全智賢全世界人等呀等千頌依,全小姐一到即時送上冧滋滋笑容,等多個鐘都抵呀!白色綴三角形立體水晶背心裙$78,00018K鉑金 Horsebit形鑽石耳環$119,75018K鉑金 Horsebit形鑽石手鈪$68,700黑色交叉搭帶高踭鞋(未定價) 

hot talk

台北直擊 今猛夜 Gucci

Ads by Google

實不相瞞,我鍾意台灣嘅程度,應該比胡慧沖愛泰國差少少嘅啫,暫時當住鄉下先。上星期五晚,中頭獎獲 Gucci邀請飛到寶島,參加在文華東方酒店舉行嘅 14秋冬 fashion show,事先張揚有來自星星的全智賢;但人各有志嘛,我愛時裝同呃水吹多過追星,所以一早坐定定等睇男女裝濃縮精華騷,然後迫入被當地行家認為,呢十年來等到頸都長的大型 party!

 

 


王陽明真人靚仔兼貴氣,難怪近排成為港台兩地品牌最愛邀請的紅人。男裝特別訂製系列(均未定價) 

楊祐寧出道 13年依然 keep住正氣形象,抵佢在寶島繼續紅。灰色緄邊薄羊絨西裝$15,300豹紋襯衫(只供訂購)灰色格紋褲$6,300黑色厚底皮鞋(未定價)all Gucci 

陳庭妮由模界轉戰公仔箱,當晚欽點再行貓台。酒紅色羊仔皮上衣$19,900橙色百摺裙$12,950黑色皮短靴$8,950湖水藍壓紋 Bright Diamante手袋$14,490


60'S新姿
 

全智賢應該櫈都未坐暖,超過六十套 Gucci男女裝 14秋冬系列 fashion show正式開始。以 60年代精神貫穿整個系列,經典代表如迷你裙、太空裝、 A字剪裁、豹紋、超大墨超等全部搬上台重演;以粉紅、粉黃及粉藍為主色,也有大量皮造恤衫及連身裙,簡簡單單已現氣派。但我呢,就認為女人入冬可以張揚巴閉啲嘅,所以比較冧粉藍羊毛大褸,仲有嗰幾套釘滿水晶短裙仔!


今季踩紅地氈式拖尾長裙通通避席,壓軸換上水晶迷你裙,望落一啲都唔輸蝕㗎! 

做戲做全套嘛,手袋款設計都非常懷舊,好啱襯 jet set look嘅啫。黃色羊仔皮緄邊連身裙$28,500黃色皮革 Jackie Soft手袋$21,000 

呢件巨形粉藍色羊毛褸似十足棉花糖,噢!官人我要呀。粉藍色羊毛大褸$60,000啡色羊仔皮 scarf$5,000啡色皮 clutch(只供訂購) all Gucci 

粉藍色綴立體三角形水晶連身裙$63,000黑色亮皮長靴$13,500 

 

花生騷一完人人雞咁腳走,並非趕尾班車返屋企,實情是有餘興節目。 After party內全球首播超模 Kate Moss姐演繹 Jackie Soft系列廣告,但酒鬼如我,當然同台灣行家呃酒飲,兼玩吓班 80後未玩過嘅懷舊波子機。




撰文:黃健華 
攝影: Kenji Leung

全站熱搜

tvb4life 發表在 痞客邦 留言(0) 人氣()