媽咪姐

李心潔 飲湯清心火

Ads by Google

前排導演彭順搭上小三李悅彤( Liddy)搞到滿城風雨,老婆李心潔仲激到病埋!後尾彭順公開認錯,兩公婆表面上和好如初,李心潔上星期開始拍香港電視網絡( HKTV)嘅網劇《風雲》。嗰日大約 5點鐘左右,素顏嘅心潔由 5個工作人員護送到灣仔唐樓,嗰個人牆式保護真係唔講得笑,唔講仲以為有國際巨星嚟咗㖭!

 

港視開鏡一向都好 welcome傳媒朋友,但今次就因為心潔而一改作風,除咗唔俾傳媒影相之外,仲連原先放喺門口準備用嚟拜神嘅燒豬同枱都突然收起晒。到正式埋位嗰陣仲拉埋窗簾,真係夠晒大陣仗!媽咪姐仲收到風,心潔因為個胃唔好所以自備咗老火湯,個個捱飯盒之際,佢就 un un腳嘆湯水!啱嘅,谷埋谷埋啲氣,好易老㗎,梗係要補番吓啦!


唐樓拍劇心潔喺灣仔秀華坊唐樓放飯嗰陣不停眈天望地,神不守舍咁,唔知仲以為拍緊《見鬼 2》㖭啊! 

分甘同味心潔一早準備咗老火湯,仲用保溫壺入住,再分俾助手一齊飲。經過咁多風雨,果然好識錫住自己! 

當日心潔左手手上亦重新戴番結婚戒指,似乎想話俾全世界同 Liddy聽,佢哋好番喇!

 

查實自從返咗嚟香港之後,心潔就好似食咗失憶丸咁,忘記晒老公偷食單嘢,仲高調同彭順手拖手行街街。呢日復工嘅佢,亦重新戴番婚戒,睇嚟心潔同彭順經過咁大考驗之後,暫時雨過天青!


原本門口位放晒拜神用嘅枱、燒豬、雞同生果,點知一發現媽咪姐,就連神都唔拜,收起晒! 

導演喺埋位前同心潔坐低傾劇本傾咗成半粒鐘,其他演員就個個坐晒喺度呆等,地位咪就係呢啲囉! 

大婆小三鬥出文

喺感情世界入面,李心潔同 Liddy係敵對嘅。但佢哋喺網絡世界,有共同喜好,就係鍾意寫文抒發感情。心潔 post劇本, Liddy話要設定對白,有無咁夾呀?


李心潔 

 

 


Liddy 

全站熱搜

tvb4life 發表在 痞客邦 留言(0) 人氣()