BigBang今次嚟香港 5缺 2,又逗留唔夠 24小時,但做訪問有問必答,比起以前親切好多。只係現場啲女 fans尖叫聲差啲震聾媽咪姐。 

媽咪姐

BIG BANG快閃襲港勁親民

Ads by Google

出晒名有才華有個性嘅 BigBang,周二( 29日)就由隊長 G Dragon帶住太陽同勝利嚟咗香港,為佢哋代言嘅手機遊戲宣傳。今次由出發到活動結束,佢哋都有求必應。比起以前嚟開騷喺記招黑面,真係親切咗好多。

 

成個活動雖然只有短短 20分鐘,但佢哋喺台上表現好放鬆, G Dragon好似失控咁,睇自己 chok住擺「甫士」嘅廣告,尷尬笑到掩面。太陽同勝利就係咁用廣東話冧 fans,但講嚟講去都係「你好!」囉。
不過佢哋搭早機嚟到,冇乜時間準備,對代言遊戲有啲陌生, G Dragon仲話自己好少打機㖭!加上遊戲冇韓版,搞到佢哋示範嗰陣,有啲手忙腳亂。最後,太陽喺台上打機贏咗兩位隊友,俾司儀問佢贏咗有乜願望,呢位出名親切嘅暖男就話:「唔好意思,但係我唔知講乜好!」嘩,好彩大家知你係暖男,唔係就俾人話你寸㗎喇!

 

 


由型出發太陽喺仁川機場出發嗰陣,唔知係咪太早起身未瞓醒,俾班 fans影都冇乜表情。 

G Dragon前一晚( 28日)嚟到香港,睇下佢嘅裝扮,戴帽加紅帽,吊腳褲襯白襪,成個 MJ加 Pharrell,潮嘅嘢咪呢啲囉! 

勝利喺仁川機場上機嚟香港嗰陣,猛同人握手,好 nice!難怪咁多香港 fans接佢機啦。


G Dragon完騷冇耐,即時上載大合照去 Instagram開心 share。 

G Dragon(左)話自己好少打機,勝利就話打機輸俾太陽。不過現場目擊,太陽整甩手機接駁線,全世界等佢表演,搞到 dead air。

叫得做暖男,太陽真係好熱情,有工作人員拎住隻碟,佢就落台簽名。仲用普通話問:「你叫甚麼名字?」 

名模姚書軼上次追完「長腿 oppa」李敏鎬攞簽名,今次又嚟睇 BigBang,其實佢都幾博愛喎! 

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()