博出位

爸爸搞搞震

Ads by Google

自從湖南衞視播咗《爸爸去哪兒》第一季同第二季之後,無論個節目定嘉賓都一樣 hit到爆!一班爸爸變得好鬼馬,仲成日喺微博大晒父子溫馨相,真係酸爆一班媽咪囉!

吳鎮宇  Sam哥不再 cool

Sam哥對仔仔費曼嘅愛可以話係毫無保留,除咗之前俾仔仔成個 pat pat放落塊面度都冇嬲,今次仲為咗?喊到嗡晒面嘅仔仔,不惜放低 Sam哥 cool爆嘅形象,着一套制服扮機師……不過係一個騎呢又動作浮誇嘅機師啫!

田亮 老積囡囡

田亮趁暑假帶囡囡森碟周圍飛。森碟雖然人仔細細,但已經非常老積,除咗帶住黑超行 cat walk之外,手上仲拎住個價值$4,000嘅 Gucci kids zoo collection小手袋,細細個都好有星味喎!


曹格、林志穎 𢱑銀兩家親

《爸爸》無論第一定第二季都帶紅一班爸爸同仔女,林志穎同曹格更加紅到要帶埋仔女去錄歌出碟,父子檔齊齊𢱑真銀!


張家輝 哎吔女頂上

喺《賭城風雲 2》入面,張家輝個囡囡王詩齡,原來喺戲外都當正家輝係佢爸爸!雖然家輝冇份拍《爸爸》,但就無啦啦多個女陪佢玩,勁過晒一班真爸爸囉!


全站熱搜

tvb4life 發表在 痞客邦 留言(0) 人氣()