靚抽王

Cap圖龍虎榜

Ads by Google

平日一打開 facebook同 WhatsApp,可謂 cap圖滿天飛, cap圖已經成為我哋生活嘅一部分。今期至新至 hit嘅 cap圖係乜?睇 cap圖龍虎榜啦!!

乜嘢都有一個期限,包括麥樂雞

麥記被揭發買強國過期肉,大家除咗明白所有嘢都有一個期限之外,同時亦都要多謝上帝保祐,我哋竟然食咗咁多年都冇出事……



呢段文字瘋傳網絡。咁又係嘅!咁嘅抽水良機,網民又點會唔抽番夠本。 

哈薩克美女  X頭身真相

喺網上熱傳嘅哈薩克美女莎賓娜( Altynbekova Sabina),啲人話佢係 12頭身美女。不過有網媒出圖證明,佢頂多得 8頭身,冇 12個頭咁多。哈哈,唔知由幾時開始,靚唔靚竟然係以幾多個頭嘅身形比例嚟計,呢樣嘢其實都幾好笑噃。

忽周自己 Cap:為馬賽 BB平反

出道以來波折重重嘅馬賽 BB真係我見猶憐。多年來,網民們由佢個名笑到佢嘅演技再笑佢嘅舞姿……不過大家諗吓,佢個名叫馬賽佢唔想,可以嘅話佢寧願叫波圖;拍《神探膠倫布》俾人笑佢煩膠,查實膠劇出煩膠好正常;到佢被發現斷背,我哋都應該理解,呢啲嘢係個人選擇吖嘛!至於佢跳舞,個人認為佢表現到一定嘅跳舞才華,適逢《舞出真我 5》上畫,希望就算大台封殺,荷里活都會搵佢拍番套《舞出真我 6》啦!


撰文:娛文樂

全站熱搜

tvb4life 發表在 痞客邦 留言(0) 人氣()