《誘惑》係權相佑同崔智友相隔十一年再碰頭之作,對比番以前個樣,佢哋又 keep得幾好喎! 

非港劇讀

權相佑 肌爸的誘惑

Ads by Google

7月初,權相佑同崔智友嚟咗香港拍《誘惑》外景,吸引咗唔少十一年前《天國的階梯》嘅 fans去追星。咪以為當年嘅「誠俊哥」結咗婚生埋仔就會 out,佢憑副靚 body,仲有 market,同新嗰班「男神」有得鍊㗎。
不過佢話晒已經 38歲,今次再同崔智友合作,演出 SBS月火劇(周一二播)《誘惑》,無非想重現十一年前嘅神話,紅遍整個亞洲。加上新劇開播,權權就宣布太太孫泰英又有喜,出年 2月就會生第 2胎,係時候要搏盡搵奶粉錢嘞!

 

作為第一代「男神」嘅權相佑,當年憑佢嘅「完美外殼」,成為亞洲完美男士指標。直到 08年佢忽然宣布同 2000年度韓國小姐季軍孫泰英奉子成婚,人氣插晒水,事業就咁停咗。等咗幾年,終於俾權權拍《大物》同《野王》成功翻生,可惜事業都去唔番以前咁紅。今次喺新劇再見崔智友,默契仲喺度。權權講笑讚對方隔咗咁多年仲靚過以前!已經 39歲嘅崔智友聽到佢咁講,又想嬲又想笑。
喺新劇入面,權相佑一開始並唔係同崔智友做戀人,而係同朴河宣做夫妻,崔智友只係用錢誘惑佢,要求佢做交易。另一方面,李廷鎮借私生子過橋,要求朴河宣去佢別墅做保母湊仔,其實係睇中「人妻」,想搞婚外情。
嗯,韓國話晒係個保守國家,呢啲破壞人家庭嘅情節,班阿豬媽唔多受落,收視開播以嚟只維持個位數。睇嚟權相佑要騷多幾次佢嘅 body,誘惑觀眾喇!


今年初,權相佑又趁住工作空檔,同太太孫泰英同 5歲囝囝祿熙去澳洲旅行。咦,囝囝又着番嗰條燈籠褲,明星都慳家㗎! 

孫泰英好鍾意上載一家三口嘅相去 facebook,好似呢日去郊遊咁,晒幸福! 

住家好男人2011年,權相佑經理人公司代表舉行婚禮,佢就帶埋太太孫泰英同當年 2歲嘅囝囝去參加。睇下手瓜起𦟌嘅權權抱住祿熙幾 man。 

權相佑同崔智友喺 03年合作《天國的階梯》,因為呢套劇,令佢哋當年喺亞洲爆紅。 

肌的進化

 


2004年自從拍《天國的階梯》紅咗,權相佑從來冇吝嗇佢嘅身材,尤其係雜誌騷肌相,多到數唔晒。 

2005年拍完《悲傷戀歌》嘅權相佑繼續晒肌,呢段時間嘅佢,太忙關係,朱古力時有時冇。 

2007年呢個時期,權相佑事業冇乜大突破,反而有時間操佢嘅 body。

2009年權相佑 08年突然宣布結婚, 09年仲升呢做爸爸。當年佢出任護膚品牌 natural tears代表理事,兼做產品代言人。 

2013年上年權相佑拍《野王》飾演舞男,騷肌呢啲點少得。 

2014年沖涼是常識!新劇《誘惑》點會浪費權相佑副靚 body。

香港偷情

 


權相佑同崔智友喺黃埔海逸酒店外踩單車,睇落好 sweet。 

戲中權相佑(圖右)同太太朴河宣(圖左),各自被「土豪」崔智友同李廷鎮用錢誘惑,令佢哋婚姻出現危機。 


李廷鎮喺戲中嚟香港接私生子返韓國,原來個仔一直由我哋嘅肥媽 Maria照顧,肥媽仲晒咗幾句唱功㖭! 

撰文:張韋弘

全站熱搜

tvb4life 發表在 痞客邦 留言(0) 人氣()