亞熱帶

《 HERO 2》木村拓哉 背水之戰

Ads by Google

曾有「收視之神」稱號嘅木村拓哉,近幾年主演嘅劇集收視每況愈下,人氣已不復當年勇。為力挽頹勢,一向唔鍾意拍續集嘅
木村破例接拍《 HERO 2》。
《 HERO 2》可以講係木村「背水一戰」,劇入面依然係吊兒郎當、作風依舊嘅檢察官「久利生」,雖然舊拍檔換上北川景子,但 14號播出首集即有 26.5%收視,為木村挽回一點面子,可惜 21號嘅第二集,收視卻如瀑布,瀉剩 19%。睇嚟木村想借《 HERO 2》收復失地有啲難度。

 

話說木村近年嘅演藝事業的確風光不再,除咗舊年同柴崎咲合演嘅《安堂機械人》輸俾《半澤直樹》九條街外,「收視之神」之名亦拱手讓予堺雅人。最慘係佢被踢出今年「日本百大名人」之外, 2月時,仲俾《周刊雜誌》讀者選為「本年度最討厭尊尼男星」,真係一沉百踩。
木村為咗重振聲威,不惜連拒拍續集嘅原則都唔要,接拍《 HERO 2》,希望靠從影以嚟人氣 no.1之作重振聲威。全新班底嘅《 HERO 2》故事跟第一輯差唔多,講木村飾演嘅久利生公平十三年後重返東京地檢城西支部任檢察官,同佢搭檔嘅係北川景子飾演嘅事務官麻木千佳,兩人鍥而不捨揭發案件真相。


《 HERO 2》除咗冇松隆子(左 4)外,另一要員阿部寬(左 3)亦唔再玩,劇中人物大變化外,海報仍沿用番第一輯形式,喺樹陰下一字排開。2001 

2014 

富士電視台不單製作成本用成港幣 7千萬,仲喺各線列車大賣廣告,真係落晒重本㗎!

雖然好多人受先入為主影響,話北川景子唔及松隆子,事實上北川都好搏,木村單係呢個揸胸鏡頭,都幾重口味。 

傳聞話松隆子堅拒演出《 HERO 2》原因,係不滿第一輯結尾硬加插被木村強吻喎。是耶非耶,不得而知,但《 HERO》迷當然希望佢會出現啦! 

木村由 2010年嘅《月之戀人》開始,之後所拍劇集冇套掂, 13年同柴崎咲嘅《安堂機械人》更幾乎要腰斬咁慘。

 

雖然新班底被踩新不如舊,但 14號首播有 26.5%收視,雖未能打破第一輯平均 34.2%的高收視,但亦超出預期之外,可惜話咁快,上周一( 21號)播出第二集,收視即如跣滑梯般跌至 19%,認真慘情。
收視大跌,富士電視台就解釋話碰啱呢段時間係日本大休日(即暑假),好多家庭都會出外度假,收視跌好正常,但依然係夏季日劇收視之冠喎。仲話過咗呢段時間,收視包保有改善咁話。木村得電視台力撐,視《 HERO 2》為影藝事業救命草嘅佢,不但率先四出造勢,又上綜藝節目。為挽頹勢,木村壓力真係好大﹗


木村為谷劇,日前喺節目中玩水上相撲時令大腿及腰間受傷,但仍負傷參加富士慈善騷,仲要 chok住抱狗影相,搏到盡。 

「哈利波特」登陸大阪環球影城,木村及 SMAP成員被委任為環球影城大使。左起:木村拓哉、稻垣吾郎、中居正廣、草弓剪剛、香取慎吾。 

近日, C朗拿度展開日本之旅,上周五( 25日)仲參加咗木村當家節目 SMAP× SMAP。

01年《 HERO》電影版搵到韓國天王李秉憲客串,唔知今次電影版會唔會搵到巨星幫拖呢? 

雖然一直有傳木村同工藤靜香婚變,但向來對家庭生活保持低調嘅佢,舊年就被影到全家外遊。婚變謠言不攻自破。 

撰文:娛樂組

全站熱搜

tvb4life 發表在 痞客邦 留言(0) 人氣()