25/7新仔出場JM新仔「嫩版王敏德」在凌晨三點幾接 JM走。 JM架七人車貼咗反光貼,新仔在車內一定唔會俾人見到,不過他卻企出車外數分鐘,似是刻意曝光。 

娛樂喧

霆鋒拒愛轉溝富二代  JM自製緋聞發圍

Ads by Google

25歲的文詠珊( JM),出道十年終於泊到好碼頭,以 3千萬轉會太陽城娛樂。在黎明旗下的百仕活浪擲 5年青春, JM誓要收復失地。歷年欠代表作的 JM,最大的成就是厚過電話簿的緋聞,最經典是去年尾暗交失婚謝霆鋒,可惜霆鋒散玩速撇, JM惟有轉溝富二代。
重新上路, JM變為主動出擊。上周五( 25日)出席完新公司簽約儀式後,當晚明知有大批傳媒跟蹤,她亦交足貨與友人唱 K到凌晨 4時,更刻意讓富二代男友曝光兼返歸過夜,成功爭取曝光率外,亦力證大把裙下之臣。

 


幫到手喎!(設計對白) 

一直有傳 JM與宿敵 Angelababy多年來鬥到出面,近年 Baby事業愛情兩得意, 3年拍了 13部戲,又泊到金礦黃曉明, JM唔眼紅就假。痛定思痛, JM無論事業愛情都發力直追。突然變高調的 JM,近日動作多多,不但公告天下自組經理人公司,在中環設寫字樓;在簽約記招上,更自爆睇豪宅,力證自己撈得掂。
一直不介意緋聞曝光的 JM,之前一提到緋聞男友謝霆鋒,即甜笑以「好朋友」相稱,暗認緋聞。不過,兩人的戀情卻話咁快玩完。一雞死一雞鳴,去年尾與霆鋒分手後,實行漁翁撒網式捕獵富二代。今年初 JM黐上的士車行太子爺鄭子邦,但近期又有型男新歡出現。

型男落車任影

上周五, JM與大班友人到銅鑼灣食飯慶祝後,便直落唱 K。吊詭的是,凌晨 4時她離開時,型男新歡(嫩版王敏德)不僅駕駛 JM保母車到 K場門外接她,更刻意落車俾記者影相,之後 JM才施施然上車,雙雙返歸過夜,做騷味甚濃。「 JM同霆鋒散咗之後,佢積極埋富二代堆,雖然簽咗新公司,不過眼見宿敵 Angelababy同黃曉明好事近,佢都覺得自己有機會嫁入豪門。嗰個型男係 ABC,幫屋企做家族生意,兩個月之前佢哋喺朋友聚會相識,好快就撻着,依家喺熱戀期。
「 JM今次以天價 3千萬簽約太陽娛樂,皆因獲老闆唐才智賞識。為咗大展拳腳, JM亦會利用一眾觀音兵做佢嘅宣傳工具,當然不介意呢位型男新歡曝光。」
就新歡香閨過夜一事求證 JM,她避重就輕帶過,但就唔認型男上香閨。
記︰個型男係咪新歡?
J︰只係普通朋友。
記︰佢上你屋企過夜喎!個男仔似係刻意俾傳媒影?
J︰我中途放低啲朋友,佢冇上我屋企。
記︰剛簽新公司就搞緋聞,怕唔怕公司唔鍾意?
J︰唔明報道出嚟點解咁,唔回應嘞。
記︰ 3千萬天價簽約,老闆唐生(唐才智)好賞識你。
J︰傳說中係 3千萬,在我嚟講係開心價。
愛情有新歡,事業亦有後台。 JM今年真是行運行到落腳趾尾。


JM高價加盟太陽娛樂,是唐才智促成。不過簽人向來由 Paco揸主意,傳聞他對此亦有微言。圖為兩人出席劉謙魔術騷慶功宴。 

JM近日動作多多,早前她在中環租 office,升格為老闆娘,惹來傳媒追訪。《蘋果日報》圖片 

不顧儀態受訪時,由於唔起低胸戰衣, JM多次在人前不顧儀態,慽高戰衣。

露墊失威7月 25日, JM親母(左)及她在《大追捕》的母親余安安都有撐場。不過 JM真係瘦到冇胸,多次露 pad。 

唱 K之前, JM同一班姊妹到銅鑼灣晚膳。 JM不時睇短訊。 

拖仔過夜送完助手及女友人回家後, JM與新仔飛奔回 JM屯門豪宅「星堤」。

醉步上車腳步浮浮的 JM,凌晨四點離開 K場,仲攬住心形氣球上車。 

連夜狂歡上周五( 25日), JM和朋友深夜十二時去灣仔唱 K,慶祝自己高價過檔太陽娛樂。 

殺盡富二代

多年來, JM緋聞男友一籮籮,唔係靚仔明星,就是富二代,唔係有名就有利。最難得是 JM個個都叫「好朋友」,實行漁翁撒網式𢱑筍盤。

 


《 Face》圖片 

李冠峰 2004年
入行前, JM有富貴男友李冠峰,她曾為男友的時裝品牌做生招牌。 2011年兩人對外聲稱分手,但之後多次被拍到約會, JM卻強調不會翻撻。

 

周柏豪 2007年
JM為同一模特兒公司的周柏豪擔任 MV〈六天〉女主角,加上兩人過從甚密,被指拍拖。去年 JM更以神秘嘉賓身份上台獻花,情非泛泛。

 

李治廷 2010年
與李治廷拍電影《為你鍾情》撻着,更奉旨以情侶姿態出席活動。 2011年, JM與男方公然隔空調情,話要直接打電話聽他唱歌。

 

陳柏熹 2012年
JM在友人飯局認識時裝品牌 Moiselle太子爺陳柏熹( Harris),兩人一拍即合, JM更以友情價出席男友時裝騷。

 


《壹週刊》圖片 

衞以德 2013年中
JM被拍與製衣廠太子爺衞以德在跑馬地拍拖,兩人之後更急急返屯門愛巢「星堤」纏綿。

 

謝霆鋒 2013年尾
有指 JM與霆鋒拍散拖一個月,兩人拍拖期間單獨見面次數不多於 5次,更有指女方因為分手打擊買醉。

 

鄭子邦今年 5月
JM出席友人生日飯局時豪飲,更醉攬的士車行太子爺鄭子邦。鄭子邦事後否認兩人拍拖, JM亦話唔過電。


撰文:娛樂組 
攝影:攝影組

全站熱搜

tvb4life 發表在 痞客邦 留言(0) 人氣()