躲貓貓玩具$90黃色布下有條自轉膠繩,引得貓味狂追。 

寵物家

高科技 貓咪玩具 

3littlemeow 地址:觀塘巧明街 118號萬年工業大廈 2樓 18室 電話: 5376 3637 網址: facebook.com/3littlemeow

Ads by Google

細個好想屋企開文具鋪,我可以日日都有新文具,幾威風。我諗屋企隻貓都係咁諗,新買嘅逗貓棒,一星期後,已經被佢嫌悶打入冷宮,如果我開貓玩具鋪,日日提供新玩具,佢可能至會好開心。
但喺香港買到的貓玩具種類好少,多數只係逗貓棒同貓草老鼠。貓奴 Kevin就為咗屋企嘅三隻貓,四出搜尋新奇好玩刺激仲要係「高科技」嘅自動玩具。佢最近仲開埋鋪,全店只賣貓玩具和貓傢俬,部分收益會捐俾動保機構,真係造福貓奴同貓貓。

外國動物權高


FroliCat Twitch$170置於枱邊,開動後會 180度轉動,貓貓會追打羽毛波波。 

Kevin開貓玩具店,全因一個「懶」字,「我同太太都係做生意,工作好忙,返到屋企已經冇力同貓玩。上網見外國有電動玩具就馬上訂購,朋友覺得我搵嘅玩具好新奇,愈來愈多人託我訂購,於是索性開店。」 Kevin一開始只做網店,拍低家中貓貓試玩的短片,短短兩個月已大受歡迎,於是決定開實體店,看來自動貓玩具非常渴市。 Kevin入貨時亦看到不同地方對動物的態度,如外國認同動物在社會的地位和權利,肯為動物花心思。「外國、台灣、日本有好多貓玩具,設計能照顧貓嘅需要。但內地少有寵物玩具,只有貓樹、貓窩。美國製的就多數係全自動,日本製的就精緻和顏色繽紛,台灣就實淨唔花巧。」
Kevin自己亦設計貓傢俬,如「樹窿貓茶几」,當主人用茶几時,貓貓可捐入窿,產品着重主人和貓貓的互動。但論寵物用品市場,狗狗一定佔大比例,只做貓主人的生意,會唔會賺少好多?「我應該唔會涉足狗玩具,既然我鍾意貓,就專注搵貓玩具用品啦。我同客人一講貓經就無停口,好 enjoy。有個客仲拍低佢隻貓玩自動紅外線嘅情況,貓貓追紅點追到跣呔。貓主好開心咁多謝我,話隻肥貓終於肯做運動喇。」

自動玩具系列:

 


FroliCatDart雷射玩具$369360度旋轉,有四個速度任揀,仲可以調校時間掣,就算主人外出貓貓同樣有得玩。試玩時,貓貓對它非常感興趣,起勢狂追。 

Petio電動逗貓棒$165開動後會不斷旋轉,雙翼會發出震動聲,令喵星人極為興奮。 

Petio電動老鼠$85(連綠色隧道$135)外形和大小似小強,最厲害係做到無定向行走,反肚又識彈番起身,不過若走入傢俬底就有排搵。貓貓直頭當佢係小強咁追殺。

自家設計傢俬系列:

 


樹窿貓茶几$1,030似日本漫畫宅女必備的茶几,造工不錯,不會輕飄飄。 

兩碗貓餐桌$480原來貓貓經常彎身進食,會壓住牠們的食道,老貓更甚,於是 Kevin設計了這款高身糧兜。 

貓屋連劍麻柱$2,100一般貓樹磨爪柱只會用麻繩,非常易爛, Kevin改用劍麻更為耐用,而且可以整塊替換,環保得多。

 

3littlemeow
地址:觀塘巧明街 118號萬年工業大廈 2樓 18室
電話: 5376 3637
網址: facebook.com/3littlemeow


撰文:吳韻菁
攝影:譚俊軒、梁炳權 
貓貓:淺淺、蛋仔、拖肥

    全站熱搜

    tvb4life 發表在 痞客邦 留言(0) 人氣()