Just Kidding為客人度身訂造襟花,成功突圍,深受客人喜愛。襟花售價由$280至$350。 

創業通

姊妹淘 愛襟花

Ads by Google

手作仔成為年輕人創業主流,並透過 facebook宣傳,發展手作事業。 3位 80後 Maggie、 Noel及 Smiley在 12年創立 Just Kidding,本以繽紛顏色的手作飾物作招徠,怎料難以發圍,在一次機緣下,製作出公仔襟花,成為她們的招牌貨,開拓出家長、情侶及年輕人市場,更吸引 Max Factor、 Swatch、 Valmont等品牌與她們合作。

 

記者去到 Noel位於西貢的家,看見客廳猶如置身小工場,絲帶、公仔、金屬字母放滿枱及地, Maggie及 Noel一邊說笑一邊製作公仔襟花,拿起公仔與不同的絲帶進行配搭。 Noel說︰「 Smiley今日咁啱唔得閒,平時我哋都要返工,星期六、日先會聚埋一齊整襟花及飾品。」
Just Kidding主打手工製公仔襟花,看似柴娃娃的製作,偏偏她們把這股歡樂氣氛加注在產品上,令 Just Kidding大受歡迎。創立只有年多,已先後與 Max Factor、 Swatch、 Valmont、 MaxMara等知名品牌合作。
3位 80後 Maggie、 Noel及 Smiley都是愛手作之人,在 12年年尾決定開展手作事業, Maggie說:「自己一直都有整手作,好似手鏈、頸鏈,不過都係自用,之後我聽朋友意見試吓拎去賣。`我同 Noel係中學同學,知佢讀設計,搵佢設計個品牌 logo,加埋另一個朋友 Smiley,我哋為手作配色,鍾意色彩繽紛,想帶畀人開心嘅感覺,於是就起咗 Just Kidding呢個名。」


彩色手繩$125-$185除了襟花,還有其他貨品售賣。 

泥珠頸鏈$325 

發掘商機

Just Kidding在 facebook開了專頁後,主賣手鏈、頸鏈,但銷情並不好,「喺 13年年頭,有商場舉行手作市集,諗住參加谷吓人氣,去到臨開檔前兩日,覺得啲貨唔夠款式,於是用塑膠動物公仔、絲帶及毛毛球,整咗啲襟花出嚟湊數。因為第一次整,襯色都用咗好多時間,整一個襟花要成 2至 3個鐘,最後只係整咗 4個出嚟賣。」
本用來充撐場面的襟花,卻成為最引人注目的商品,「襟花吸引唔少人埋嚟睇,但拎起嚟問,知道個價要$180,就放番低。一個襟花要整咁耐,冇理由定太低價,最後只係賣出咗一個動物襟花。但有位太太同我哋訂咗 3個,諗住戴嚟參加生日會及送畀朋友,佢問可唔可以加個歲數及名上去,啟發到我哋可以幫客人度身訂造嚟做賣點。」


13年 2月, Maggie(左)和 Smiley在 Popcorn商場手作市集擺擋,促成公仔襟花的出現。 

Maggie(左)及 Noel各有正職,每逢星期六、日就會聚在一起,製作襟花。 

不同款式

找到商機,她們決定發掘襟花的價值,「開始喺 facebook推廣訂造襟花,客人會要求加自己鍾意嘅公仔,好似麵包超人、 lego人仔等,我哋會喺國外訂公仔,令件事特別啲。除扣針外,仲可以改為鎖匙扣、磁石貼及長繩吊飾,畀人掛喺袋或者貼喺牆度。」公仔襟花每個售$280至$320,如特別版的公仔會另外收費。
Just Kidding最初目標是年輕人市場,隨着發展,開始主打情侶及家長客,「起初諗咁 colourful嘅嘢,會係後生仔女買多,估唔到都好多家長會買畀小朋友。當時市面上興將個樣印落個杯及衫度,於是我哋推出相片襟花,由客人提供小朋友嘅相,加埋 graphic design,家長好受落,訂單多咗成倍。之後又出埋情侶版公仔,等啲客可以喺紀念日時送畀對方。」現時 Just Kidding每月約接獲 100個襟花訂單。


公仔襟花深受 Do姐喜愛,並邀請 Maggie(左一)、 Smiley(右三)及 Noel(右二)上《口水多過浪花》節目,令 Just Kidding的粉絲數目激增。 

Maggie特意用 Do姐過往的經典造型製成襟花, Do姐將它 post上個人微博。 

曾被抄襲

有市場自然有競爭者,但最令 Maggie難以接受的是不勞而獲的抄襲,「整襟花唔難,但每個人應該有自己嘅風格。有間教學中心開班教人整公仔襟花,製成品嘅顏色配搭、公仔同我哋都幾乎一樣,咁好難講得過去。之後同佢哋溝通番,搞咗好耐先令到佢哋取消個班。為咗保持優勢,我哋不時去唔同地方訂特別嘅布料,希望可以令客有新鮮感,都算係鞭策自己不斷進步。」
除了在 facebook賣廣告外,她們主動將襟花寄給 blogger及電台主持,成功贏得宣傳機會,「自己有睇開 blogger及聽 903,試吓將襟花寄去畀麻利、小儀及講潮流服飾嘅 blogger,點知有 blogger真係 post出嚟,麻利仲邀請我哋上佢主持嘅節目《滑鼠商店街》做訪問。嗰日仲整咗啲襟花送畀其他節目主持人做見面禮,好似少爺占同 Do姐,估唔到 Do姐將襟花 post上微博,又邀請我哋上佢個節目《口水多過浪花》,跟住 facebook粉絲多咗成千人﹗真係好激動。」


客人可以將寵物或自己的照片給 Just Kidding設計出獨一無二的襟花。$350 

品牌合作

電台訪問出街後,除了讓 Just Kidding知名度大增外,還助她們開拓公司市場,「開始有公司嘅 PR搵我哋合作,好似 Max Factor、 Swatch、 Valmont相繼搵我哋整襟花用嚟做紀念品。喺 1月, MaxMara嘅 launch party搵我哋即場幫來賓整襟花,我哋事先整好晒啲配件,令到工序加快咗,來賓揀啱後,我哋要喺 10分鐘內完成,好受歡迎。」
對於將來的路向, Maggie表示將會開 workshop,希望讓將更多人認識 Just Kidding,「一直都想開班,但冇地方,咁啱 4月有朋友喺大坑租個地方畀我哋,於是就開咗兩班試試水溫。學費捐去慈善機構『動物朋友』,做吓善事。最後發覺唔係個個都跟到啲 step,時間控制得唔太好,每班 overrun咗成 45分鐘,但開過班先知問題所在,就識得點改善,諗住 8月正式開班。」


Max Factor是首個與 Just Kidding合作的品牌,向她們訂購了 80個襟花,作紀念品之用。 

Just Kidding為 MaxMara設計出 12生肖襟花,並即場為來賓製作。 

Rosetta客人

聽 903個節目知道 Just Kidding,上網睇到啲襟花好靚,色彩好繽紛,之後訂咗幾個用嚟開 party用。

開業成本

 


撰文:曾志恒
攝影:陳嘉元
部分圖片由被訪者提供

    全站熱搜

    tvb4life 發表在 痞客邦 留言(0) 人氣()