漫遊毒物

HALO原班人馬開創 DESTINY

Ads by Google

網民雖然成日戲言「成功需父幹」,但有實力嘅人,又點會怕冒險?好似殿堂級科幻槍 game《 HALO》,單靠老本同死忠已不愁銷量。
不過其開發團隊 Bungie竟然唔再造《 HALO 4》,齊齊脫離 Microsoft另起爐灶,推出呢隻新世代大作《 DESTINY》,令機迷勁爆期待!
開發幾年後最近終於公開 BETA版俾機迷止渴,宜家就立即飛身去試試呢隻年度超大作!

打槍新體驗  MMO× FPS

有別一般傳統打槍 game,本作《 DESTINY》連玩主線遊戲都必須上網打,加上升級、換裝備、學技能,均充滿 RPG氣氛,絕不是《 HALO》翻炒作!而且玩家更可同其他玩家組成「 FIRETEAM」小隊,以解決任務同探索地圖。平時在版圖一般區域又會見到其他玩家出現,仿如一隻 MMO FPS,感覺非常新鮮!


遊戲一開始會分 3種職業、 4個種族去創建玩家角色。 

不愧係《 HALO》班底新作,上網對戰非常順暢。 

走去各種區域可見到其他玩家,不過一進入任務就會剩低自己小隊。

日夜轉換 畫面超班

雖然本作仍然有 PS3及 XB360版,但真正表現到本作原貌嘅始終係 PS4版!遊戲畫面能表現出壯大場景氣勢,從天而降嘅宇宙船、城市廢墟臨場感非凡。最正係場景有日夜轉換系統,唔同時間進入各星球都會有場景變化,各位小心掛住欣賞美景時被敵人爆頭!


除咗要打寶刷裝升技能,更可儲錢買交通工具。 

科幻世界觀畫面之強勁去到化境階段,充分顯現新世代主機能力。 

夜景打槍戰相當有情調,更考電視對比度。

PS4手提機 即將登場


手提高清屏幕成$2,000港紙有多,其實唔算平。 

HORI即將發售神器「 PS4手提高清屏幕」,只要將佢插上 PS4,便即時可享受 11.6吋高清打機樂趣。深夜打機驚老婆鬧?成部 PS4拎入廁所再戰冇難度,只要入面有插頭就得!
售價: 29,800日圓

萌爆萬能俠 中文版開打

上年東映搞咗套將《鐵甲萬能俠》萌女化嘅搞笑動畫,仲出埋日文 online game反應都唔錯。最近台灣弘煜科技就加推中文版《鐵金剛少女》,玩法係組合隊伍打怪解任務,強化光子力町及提昇一眾萬能俠囡囡好感度。遊戲行免費商城制,結構簡單,勝在畫面得意而且全配音,萬能俠 fans不妨篤兩篤。
網址: http://rgz.uj.com.tw/ 



萬能俠二號竟然係打機狂一名,敵人、主角都好得意。 

撰文:拳頭坦克

    全站熱搜

    tvb4life 發表在 痞客邦 留言(0) 人氣()