約滿王菀之 賣衫搵後路

近年唱片市道大不如前,一眾歌手亦陸續另謀生計,範圍涉及時裝、美容、飲食等,增加收入。有傳王菀之(Ivana)與東亞即將約滿,好友謝安琪又力撬她過檔不果,原來與Eric So拍拖後,Ivana就在男友影響下看中本地時裝市場,密謀與男友自組公司賣衫。

Ads by Google

上周Ivana就在尖東開舖五天試水溫,將以往於公開場合着過的服裝,加上男友的私伙飾物以低價發售。記者發現她更親自睇舖,落手落腳執貨收錢。連日來店舖外大排長龍,生意不錯,相信Ivana不唱歌也可以做老闆娘。

親力親為的Ivana,初嘗做時裝店老闆娘滋味,要全日看舖沒有休息之餘,更要站在舖內吃麵醫肚。

自食其力

與東亞唱片尚有大半年合約的Ivana被指對公司早有微言,演唱會只開一場,又不推出DVD,難以保持氣勢,加上現時唱片市道不景,一早聲明約滿不會續約的她,已經周圍搵後路。早前有傳謝安琪看中Ivana的才華,有意將其收歸自家「邁亞娛樂」旗下,但Ivana嫌對方公司太新,合夥人夏森美在行內冤家眾多,故Ivana反而有意與男友Eric So夾份開檔賣衫。

一直有意進軍服裝生意的Ivana早前透露,是次以pop up store形式開店是為了了解市場反應,開店前她一手包辦揀衫、mark價、上架等程序,更因其男友Eric So曾在該店賣過衫,給予她不少意見。

由於件件衫着過有感情,Ivana不太捨得出售二手服裝,故曾一度想縮沙拒賣。她說:「剛開店時有客人試完想買,我就有啲唔捨得,就話唔賣,助手之後同我講唔可以咁樣,我先開始好唔捨得咁賣出去。」

早前Ivana不斷在微博同Instagram宣傳自己舖頭。

    全站熱搜

    tvb4life 發表在 痞客邦 留言(0) 人氣()