意式田園$28烤蘑菇、茄子、青椒等蔬菜,再配上自製羅勒香草汁和沙律醬,食落 juicy,層次豐富,推介! 

庶民飯堂

細有細做 

bs baguette sandwich 地址:紅磡黃埔街 2A號地下 2號鋪 電話: 2142 8000

Ads by Google

生意好就被狂加租,不敵貴租就被迫結業,這是香港小店的困局。紅磡一間漢堡店也同一命運,但餐廳負責人 Samuel和 Bonnie,小兩口仍然堅持夢想尋鋪重開。 Samuel在紅磡長大,在酒店做了十多年,兩年前選址這區開餐廳,做的都是街坊生意。「客人會拎個心出嚟同我哋做朋友,行過都會打招呼。結業後落街食飯,見到熟客,佢哋會話想再食漢堡包,仲問幾時重開。」二人放了個長假就重新出發,但礙於租金,唯有大鋪搬細鋪,轉做 baguette sandwich。「廚房細咗,唔夠位做以前嘅手打漢堡扒。於是我做越南法式三文治變奏版,佢哋用扎肉、酸甘筍,我餡料花款更多,例如孜然羊肉、韓式泡菜豚肉等。開業幾星期,唔少街坊見招牌寫住『 bs』都入嚟問係咪同一間,好開心。」

 

Samuel堅持即叫即做,馬上烤肉和烘熱法包,亦着重食材,每朝去附近街市買蔬菜,又趁空閒時段醃製泡菜,大白菜先要用鹽醃,再浸水洗淨,加糖、魚露、蒜茸醃一晚,功夫繁多。 Samuel媽咪仲每日煲菊花雪梨杞子茶,為客人清熱氣。食物高質素,自然多人幫襯,誰知 Samuel皺皺眉,擔心地道:「生意好,又怕加租。而家開鋪,做埋只係夠自己出份糧,其餘都拎晒去交租,希望守得住啦。」舊區小店買少見少,希望業主也能嘗到三文治中的人情味。


孜然烤羊肉(後)、韓式泡菜豚肉(前)各$33(配餐加$16可選沙律、薯條或薯茸及飲品)Samuel幫襯小工場訂造法包,法包烘熱後塗上蒜茸牛油,非常香脆。羊肉選用紐西蘭羊,少羶味易入口,孜然味香濃。韓式泡菜豚肉少少辣幾過癮,泡菜爽口,仲有洋葱、酸青瓜配豬肉,唔覺油膩。 

菊花雪梨杞子茶(後)、蜂蜜柚子茶(前)各$12雪梨茶清潤,甜度剛好,柚子茶解渴,比飲汽水好得多。 

粗薯條$14可以加自家製 shake shake粉,「男人味」即是重口味的香茅、孜然、香蒜,另有加了指天椒和芥辣粉的「勁辣地獄」口味。

 

bs baguette sandwich
地址:紅磡黃埔街 2A號地下 2號鋪
電話: 2142 8000
營業時間: 10:30am-9pm




撰文:吳韻菁
攝影:梁炳權

    全站熱搜

    tvb4life 發表在 痞客邦 留言(0) 人氣()