配對完 mCouple會員賬戶,大家就可以互 check對方用手機做過啲乜,好離譜㗎! 

ILIKE

無間 app

Ads by Google

上個禮拜同朋友食飯,講起有個 common friend俾女友𥄫到實,唔單只要成日報到,仲要密密「打卡」顯示行蹤,講起都戥佢慘。

 


@周群雄 

 

No Miss Call

話咁快, LG第一隻 Android Wear到咗香港,仲要快過水貨,真係要俾番個 Like俾香港 LG先得。雖然之前玩過 Samsung嘅 smart watch,但實用性麻麻。今次由 Google親自操刀設計嘅 Android Wear就實用得多,起碼唔使自家手機先用得。另外,語音辨識方面都算做得唔錯,無論英文或廣東話都有九成準確率。不過,對我自己嚟講最緊要都係來電同埋短訊提示功能,一有來電或短訊,隻錶就會震動提示,唔怕聽唔到響聲。


林勇 

有來電,可以用手錶決定聽唔聽電話。不過,就唔可以好似 Samsung隻 smart watch咁有擴音功能講電話。 

上門度聲

早兩星期 PR打嚟, sell我去音響產品發布會,話呢款 Goldmund Apologue Anniversary喇叭全球只得廿五對,香港仲要係首個地方接受預訂,即管去睇吓有幾巴閉!去到見到喇叭真身,真係嚇一跳,喇叭成個人咁高,開價五百萬一對。五百萬喎!成層樓嘅價錢,就算喇叭用鋁合金造,仲內置埋十六個後級擴音器,都未至於要呢個價啩?答案原來係買呢套喇叭,瑞士總公司會派總工程師嚟香港,去你屋企度尺兼計晒每道牆同喇叭嘅距離,再收集埋環境數據,設定番最理想擺位,人工同埋機票咁貴,唔怪得之賣成五百萬!


潘健文 

又係雞同雞蛋嘅問題:到底幫喇叭調音好啲,定係重新裝修屋企就番喇叭特性好啲呢? 

山狗,你好嘢

玩 action cam,最好玩最專業,當然係 GoPro,不過價錢唔平,轉款又轉得幾密,追唔切。退而求其次次次,買咗部「山狗」。搵勻全個盒都搵唔到個型號名,其實,叫乜名已經唔重要,最重要係啲拍攝質素出奇地……好,拍片,全高清,冇殘像,背光測光準;影相呢,就一般,叫做認得出邊個係邊個。不過,最神奇,係當我播片俾啲買咗機嘅同事睇嘅時候,佢哋竟然話︰「乜你部機啲色靚咁多!」哦,原來睇彩數!


劉定邦 

曝光,顏色,清晰度,都好滿意,係當裝咗個防水 housing之後,㩒掣有啲難!嘩,想點,五百零蚊咋!( screen capture畫面) 

text:科技組

    全站熱搜

    tvb4life 發表在 痞客邦 留言(0) 人氣()