新奇士橙原來亦有「神奇功效」,曬乾可辟味驅蚊,但可擊退令人煩惱的頑固橙皮紋,就純粹坊間道聽途說,不可盡信。 

壹知全解

神奇士橙

Ads by Google

新奇士橙是平常不過的水果,只會想到用來吃,但原來有不少關於橙的「民間傳說」,例如話橙皮可以用作驅蚊辟味,更有傳可以袪橙皮紋,有冇咁神奇先?

 


九龍城街市林太話右手揸住的新橙,大個多汁,舊橙(左手)比較細,味甜無核。食橙通常會食到成雙手一陣味,久久不散,她教路只要用醋開盆水洗洗手即可除味。 

九龍城街市林太經營的生果店,光是橙已經有不同品種,她說橙也不是季季靚,美國橙當造期由四月到七月,到秋冬時就入澳洲甜橙,不過橙味比較淡,易「帶渣」;而橙靚唔靚都係睇個樣:「主要係睇色澤,新橙大個皮薄,客人見到都想買。」
食橙正路由「椗」位切下,但林太就另有切法:「橙攔腰切最好食,咁樣切食嗰時就唔會黐牙,就咁搣就多啲渣,係有多啲纖維,但我唔鍾意。」橙皮的功效,她亦有睇法:「橙皮可以辟味,不過有啲人話可以驅蚊,我覺得唔係囉,擺橙皮一定係惹蚊。」實際上,橙皮要曬乾後燃燒,如點蚊香般才可驅蚊。
更有傳話橙皮可以祛橙皮紋,皮膚科專科醫生陳厚毅就直言沒根據:「橙皮紋最主要嘅問題係因為脂肪排列不均勻,啲紋深入到去真皮層。按摩完之後會好少少,但成功祛紋機會就比較細。其實而家醫學界都冇話有一種好成功嘅方法對付橙皮紋。」
現時有護膚產品亦加入橙的成分,標榜有維他命 C,陳就指:「橙有豐富嘅維他命 C同抗氧化物質,但要睇護膚品濃度有幾高同皮膚吸收到幾多。」他不建議大家胡亂用蔬果做 mask敷面,「皮膚表面有油脂保護膜,係一個防水物質,搽好多嘢上去未必吸收到。點解有啲人敷青瓜冇用,因為吸收唔到青瓜精華,反而入面啲酸性或者其他成分會刺激皮膚,所以成日都有 DIY護膚出事嘅個案。」

咳唔食得橙?

經常聽說咳就不可以吃橙,吃了咳得更厲害,西醫認為沒根據,註冊中醫師麥超常亦話咳食橙沒大問題:「橙係偏涼,不過就冇話咳唔可以食。有病人用橙批咗個頂擺啲鹽入去燉,食完反而止咳。食完橙咳有時係因為個橙凍,食咗令氣管收縮,整暖佢先食就冇事。」


撰文:林丹霞
攝影:羅國輝

    全站熱搜

    tvb4life 發表在 痞客邦 留言(0) 人氣()