宣萱自爆男友已見家長

藝人宣萱、江美儀前晚出席電影《只要一分鐘》慈善優先場。最近蜜運中的宣萱單拖出席,問到為何不攜眷?她謂:「佢份人好低調,之後佢會放暑假返意大利。(跟男友返去?)唔會,慢慢嚟。睇人起碼一年半載啦!」不過她坦言給外籍男友很高分數,又自爆男友已見家長,說到生B,她坦言:「遇啱人都想生,最好生多一個有伴。」

Ads by Google


兩位愛犬之人宣萱和江美儀,前晚齊齊出席慈善優先場。 

而江美儀則自爆常「一家三口」(男友及愛犬)睇戲:「我會用狗袋帶佢入去,等熄燈後先抱佢出嚟,佢好乖唔會出聲。(戲院聲效嚇到吠?)之前試過睇以狗為題的戲都ok,佢聽到都冇反應。(違規?)冇話得同唔得,我會好檢點。」

宣萱帶意籍男友見家長


■宣萱透露已帶意籍男友見家長,並被家人催生B。

宣萱、陳淑蘭、鄭融與江美儀等前晚於九龍塘欣賞以人狗情為題材的電影《只要一分鐘》,宣萱表示意大利籍男友同樣喜歡小動物,問她選男友時是否一定要喜歡小動物?宣萱說:「當然最好啦,不過唔討厭就OK。」她透露男友將返意大利探家人,但自己則不會隨行,她說:「我哋拍咗無耐,做唔到咁多嘢住,仲有大把時間,慢慢嚟。」這邊廂謂還要觀察男友一年半載,那邊廂又大讚男友說:「佢有耐性,隨和又冇所謂。」宣萱直言已見過家長,更指家人沒有催婚,但反而想抱孫,她則唱反調說:「生BB未必,𠵱家世界好亂,BB要面對好多嘢。」
採訪、攝影:王連連

全站熱搜

tvb4life 發表在 痞客邦 留言(0) 人氣()