馬國明踢波 揸流攤贏學生哥

馬國明(馬明)昨日率領新劇的男演員落場與學生於炎熱天氣下鬥波,因馬明要趕去開工,不敢去到盡,於場上「揸流攤」,但憑敖嘉年和曹永廉出術,最後反勝贏波!

Ads by Google


馬國明、李詩韻齊到學校為劇集宣傳。

無綫男神馬國明昨日聯同新劇《寒山潛龍》的林夏薇、李詩韻、敖嘉年、曹永廉、羅鈞滿等多位演員踩入學校為劇集宣傳,馬明與一眾男演員與學生足球隊來一場五人足球比賽,一眾女演員化身啦啦隊吶喊打氣。由於天氣炎熱,人人踢到身水身汗,期間敖嘉年與曹永廉更出術搬龍門,力阻學生隊入波,最後藝員隊反勝學生隊。

唔敢去盡

在場上跑動少「揸流攤」的馬明,解釋因天氣熱:「我鍾意夏天踢波,但一陣要返公司開工,唔可以去到太盡。」提到新劇收視下跌,馬明仍然對新劇充滿信心:「可能因為啲人嘅話題喺世界盃,我上網睇套劇嘅反應幾好。」至於有觀眾投訴劇集服飾和用語跟宋代有差別,他說:「其實睇個人點睇,為表現角色係低下階層先會用詞較市井,但冇粗口,我哋會接受意見。」


林夏薇

開波前一眾演員齊做運動。

林夏薇被問到會否喜歡識踢波男仔?她說:「鍾意健康、做運動嘅男仔。(世界盃期間有冇異性約你睇波?)成班同事不時喺化妝間一齊睇。」

文:專案組

    全站熱搜

    tvb4life 發表在 痞客邦 留言(0) 人氣()