寵物家

半自動沖涼機 

寵物城地址:土瓜灣譚公道82號地下
電話: 2626 0963

夏天又熱又濕,沖個涼舒服晒。但幫狗狗沖涼,我真係十萬個不情願,因為次次都似打仗,人同狗一齊成身濕晒,浴缸仲黐滿狗毛。帶去美容院,又擔心狗狗怕陌生,亂抓傷人。如果叮噹可以掏出一部「自動沖涼機」就好了。
「自動」就冇喇,「自助沖涼機」就有部!主人可以親自幫狗狗沖涼,狗仔乖乖地坐在機內,梘液一唧就變泡,沖完亦可自動吹風乾身,全程簡易乾手淨腳,主人唔使濕身。要留意,為狗狗沖涼都有小學問,否則搞到佢發炎甩毛就大件事。

Ads by Google

輕易五步自助沖涼

step 1
先淋濕狗狗全身。水溫可手動調校 1-5級,約 20-40度。除了手動式花灑外,還有置頂式灑水,適合大狗使用。


 

step 2
這部機一按掣就能唧出泡沫化的梘液,好方便。如果狗主自備梘液護髮素,就要自行打泡。

 

step 3
用清水洗淨狗狗身上的梘液。如狗主怕弄濕身,可把活動門關上,再打開門上的窗,伸手進去操作。雖然有少少唔就手,不過唔使濕身,唔錯。

 


用毛巾稍為抹乾身。 

step 4
關上活動門,可打開或關上窗,然後開乾風模式,溫度約 36-40度,可手動調校。置頂式風機有四個出風位,風力比風筒均勻,亦更寧靜。小型犬約吹 10分鐘就能全乾。

 

step 5
關上活動門,可打開或關上窗,然後開乾風模式,溫度約 36-40度,可手動調校。置頂式風機有四個出風位,風力比風筒均勻,亦更寧靜。小型犬約吹 10分鐘就能全乾。

泡泡呵護肌膚


棉花球不要塞得太入,輕力塞在耳孔外圍即可,不然難以取出。 

狗狗身體會分泌油脂,令毛髮順滑有光澤,但油脂積得太多就會𣲷黐黐,而且容易患皮膚病,其實狗狗幾耐需要沖一次涼呢?寵物美容師阿謙指約每十日沖一次涼就夠,不宜太密,因為洗走所有油脂會令牠們的皮膚乾燥痕癢。沖涼前最好為狗狗耳朵塞入棉花球,以免耳內積水,導致發炎。記得將梘液加水打成稀釋泡沫,否則梘液濃度太高會傷害寵物的毛囊引起敏感。沖涼時亦要盡量避免水花和梘液濺入狗狗眼內。而無論冬天或夏天,狗狗沖涼後都要盡快抹乾身,以免着涼。店中的「自助沖涼機」從台灣引入,設計和製造都在當地完成,目的是希望狗主可以輕輕鬆鬆為狗狗沖涼,享受親子樂趣,最緊要係,唔使執狗毛嘛!

 

自助沖涼機查詢
寵物城
地址:土瓜灣譚公道
82號地下
電話: 2626 0963
營業時間: 11:30am-9:30pm
收費: 30分鐘/$80
 (適合 80磅以下狗隻使用;須提早預約)


撰文:吳韻菁
攝影:梁炳權

    全站熱搜

    tvb4life 發表在 痞客邦 留言(0) 人氣()