王璐瑤贏波 嗒糖湯馬士梅拿

一向好「波」的o靚模王璐瑤亦有留意今屆世界盃賽事,並支持心儀的德國隊,化身性感美少女啦啦隊打氣,獲德國隊帶挈贏錢的她,又指湯馬士梅拿靚仔又好波,雖然目前單身,直言不排除試愛德國男!

Ads by Google


身穿德國波衫的LuLu,直言睇好德國隊捧走世界盃。

巴西世界盃掀起全城球迷狂熱,吸引好「波」之人王璐瑤(LuLu)化身做惹火啦啦隊,為心儀的德國隊打氣,以貼身波衫上陣的LuLu,大騷事業線,更豁出去露股邊贈興,她笑言撐德國隊原因簡單:「以前冇睇波,今年見個個都講世盃,所以就奉獻第一次,打算湊吓熱鬧順便投注,試吓自己眼光,買咗好多人都睇好嘅德國隊,結果帶挈贏咗唔少錢,所以決定嚟緊都必撐德國,希望佢哋可以捧走冠軍!」

鍾意有味男

LuLu又大讚球員有魅力:「睇住佢哋跑嚟跑去,流晒汗衝鋒陷陣,覺得好型!唔怕佢哋有臭味,反而覺得係男人味!好似德國隊嘅球員湯馬士梅拿咁,靚仔又好波,我一定支持佢!」問到會否想飛到德國,識個德國男朋友時,她笑言:「未去過德國,唔知德國男仔性格係點,有機會都想接觸吓!」


LuLu覺得球員流到滿身大汗,有男人味。

LuLu自言未踢過足球,但戴上巨型手套扮守龍門。
嫌C朗花心

雖然LuLu對靚仔情有獨鍾,但對另一位球壇萬人迷、葡萄牙的C朗拿度就耍手擰頭,她解釋說:「係就係靚仔,但太花心喇,佢嘅緋聞橫跨黑人白人,咩國家都有,太誇張喇!同埋我以前啲男朋友唔多唔少都係花心男,所以見到C朗唔太鍾意佢。」

場地:The Coffee Academics

文:專案組

    全站熱搜

    tvb4life 發表在 痞客邦 留言(0) 人氣()