吳雨霏揀男友 非型勿擾

吳雨霏(Kary)處女下海為商場廣告隱居幕後擔任形象總監,向來貪靚的她更自爆襯衫怪癖,所以擇偶條件都會以潮男作首選,難怪兩位舊愛余文樂及洪立熙都非型則潮。

Ads by Google


雨霏的擇偶條件以型為主,卻不能婆婆媽媽太姿整。

今次Kary為廣告設計了四個不同造型,問到最喜歡哪個?Kary說:「最鍾意世界盃個造型,因為係健康嘅性感,其實女仔着波衫都可以好sexy。」Kary經常會留意不同的時裝網誌,最鍾意自己襯衫,選擇衣服多數以簡單舒服為主:「自己始終男仔頭啲,所以好少會着到好女仔,最鍾意就係着T shirt,不過顏色都離唔開黑白灰,所以都會襯番啲飾物。」Kary亦自認「鞋癡」,原來買鞋是Kary的嗜好,更自爆有一套襯衫的特別技巧,Kary笑言:「我好怪!襯衫鍾意由腳襯起,每次出門口都會諗咗着咩鞋先,之後先用啲衫去襯番對鞋。」

進軍時裝界

Kary衣着講究,問到她選擇男朋友會否要揀同一個風格?Kary就話:「其實對自己嚟講男仔着衫都好緊要,但係就唔太接受到太姿整嘅男仔,好似仲婆媽過自己咁。」她亦坦言如果對方都喜歡時裝會更好:「男仔都可以有唔同style,不過我就最鍾意着衫偏向型或者運動型嘅男仔。」


吳雨霏有意向時裝設計方向發展。

舊愛余文樂和洪立熙,都是吳雨霏鍾情的型格。

洪立熙、吳雨霏

近年圈中有很多歌手都開始進軍時裝界,更開設時裝店,原來Kary已經在好幾年前已經有意向時裝界發展,亦試過與品牌合作設計衣服,更為自己的專輯擔任過形象設計,Kary希望為自己在時裝方面儲多點經驗,她謂:「真係要睇準時機,我都知開舖唔係一件容易嘅事,睇吓個timing,有機會都會想試吓設計衫,有自己品牌。」

文:肉丸

攝影:張福宏

化妝:Hubei Har@Atelier d'Arris

髮型:Jimmy Chan@Hair Culture

 

    全站熱搜

    tvb4life 發表在 痞客邦 留言(0) 人氣()