黃宗澤撐網民 醜化子珊

黃宗澤(Bosco)、陳敏之及孫慧雪等無綫劇集《點金勝手》演員,昨日到將軍澳宣傳,Bosco呼籲網絡改圖高手,他說:「快啲搞埋我(改圖),唔好變樣就OK,子珊都敏俊Look幾得意,(醜化子珊?)佢咁大方,OK喎,將我整做『全智賢』啦,搞個改圖大賽宣傳都好喎!」提到劇集內地反應,他說:「個劇內地3億點擊,

Ads by Google

之前因為某啲原因停咗,無心之失,兩地文化差異,希望『通車』沖番上去,咪當惹起話題囉!」



黃宗澤笑言歡迎網民改圖將他變身為「全智賢」。

敏之獲好評

陳敏之以Tube Top示人,她說:「內地反應好,多得黃宗澤,佢喺大陸好紅!(着咁少賀收視?)唔係,夏天啫!4億點擊留畀Bosco着泳褲!尋晚(即前晚)播我小產劇情,好多朋友讚做得好,生過小朋友嘅睇到喊,有好評,我好開心,但我唔想再拍呢類情節,怕第時生BB有陰影!」

孫慧雪對「殘廁Coffee(林芊妤)」遭無綫解約,她說:「我同佢都識,做藝人有責任做好自己。(佢話冇收入,叫記者唔好追車,唔想嘥兜圈錢?)佢咁講?咁搞笑嘅?有工會介紹佢。我諗佢以後要聰明啲,識啲好男仔,好男仔有責任,如果愛個女仔,唔會咁心急要佢喺條街度囉!(你唔去殘廁?)一定唔會啦!」


徐子珊

陳敏之坦言不想再拍小產的劇情,驚將來生BB會有陰影。

孫慧雪表示有工作會介紹畀剛被解約的Coffee。

文:影視組

    全站熱搜

    tvb4life 發表在 痞客邦 留言(0) 人氣()