傅嘉莉公開model秘史

模特兒傅嘉莉(Kelly)日前帶同兩位男模師弟許嘉偉(Oscar)及呂俊昊(Eddy)接受《娛樂onShow》訪問,向主持人李文珊(Sherman)暢談模特兒「秘史」,更自爆入行經過和當初出道的「蝦碌」事件!

Ads by Google


許嘉偉(右起)、傅嘉莉及呂俊昊大談入行經過,又齊齊做鬼臉,感情要好。

2003年入行的模特兒Kelly,日前帶同兩位男模師弟Oscar及呂俊昊Eddy接受《娛樂onShow》主持人Sherman訪問,大談入行經過。Kelly說:「其實當初冇諗過自己會做model,據我所知model對身高有要求,但自知身高達唔到做天橋model嘅高度。後來我有機會做平面model,我當時亦好想趁年輕去做一啲想做嘅嘢,所以就膽粗粗咁入咗行。」身為大連人的Eddy亦分享做模特兒的難忘經歷:「我之前去韓國參加模特兒比賽時,我哋有同韓國一線嘅紅星一齊行紅地氈,嗰一刻覺得無論之前有幾辛苦,但當行上紅地氈、畀人關注,就會好感動!」

學習電視台運作

近年接拍不少電視劇集的Kelly,每次演出皆引起觀眾的關注,但原來背後都是步步為營:「因為拍劇同做模特兒完全係兩回事,所以要重新去認識電視台嘅運作之外,電視劇嘅每個細節如對白、望鏡頭、走位等,全部都要重新學習。」另外,如果想知道Kelly現實中會覺得「型仔機師」Issac、「白馬王子」Prince Edward以及「細心爸爸」黃金貴哪位才是她的理想情人?請密切留意《娛樂onShow》﹗


放大圖片

三人接受主持人Sherman訪問。

採訪:Ka Pang

髮型:(傅嘉莉)Ray Mork@Fith Salon   

攝影:秦健輝

服裝:(傅嘉莉)GERMAIN、(許嘉偉)Replay

場地:五樓廚房

    全站熱搜

    tvb4life 發表在 痞客邦 留言(0) 人氣()