傅穎狂操腹肌壞得起

因為食令自己脹了一個碼的傅穎,近日的起心肝減肥,更迷上玩gym狂操,她寧願操到平胸,都希望擁有從未出現過的六舊腹肌。近年在內地一劇接一劇的傅穎,在新劇中首次演壞女人角色,她覺得很富挑戰性。

Ads by Google


近年轉戰內地的傅穎一劇接一劇。

近年積極在內地搵人仔的傅穎,特別搵健身教練操弗身形,她自爆有段時間好肥:「嗰時有人話我真係幾肥,要減肥,我仲話唔係呀,幾好呀。」直至年初拍完劇由橫店返港,她足足肥了10磅:「去到嗰刻我真係知唔得啦,要做番運動,的起心肝做gym。」

「寧願冇胸」

經健身教練指導了兩、三個月,傅穎終甩掉10磅肥肉,但她未感滿意:「我想要六舊腹肌,第一次見教練時,我同佢講我只係要一樣嘢,就係六舊腹肌。佢話女仔可以唔使,但我想睇吓自己做唔做到呢件事。(依家練成點?)未有腹肌,只係見到少少痕。」對圈中不少男星勁操到零體脂,傅穎大讚厲害:「要操到咁好難,尤其係女仔,我寧願冇胸都想要腹肌。」


在新劇中,傅穎要穿旗袍上陣。

傅穎運動後對鏡自拍看成績。

傅穎很羨慕一眾藝人操到一身肌肉。

傅穎狂操弗,另一原因是為內地新劇穿旗袍的造型,她指今次的角色充滿挑戰性:「今次套劇得我一個香港演員,係民初劇,我要做壞女人,仲係寡婦,有好多心路歷程。首次做呢啲角色,有好多內心戲,覺得好大挑戰。」

文:音樂組

攝:劉智源

場地:紅磡都會海逸酒店

    全站熱搜

    tvb4life 發表在 痞客邦 留言(0) 人氣()