一對情侶,朝早瞓醒着情侶裝一齊刷牙, so sweet。不過媽咪姐想講呢張相嘅亮點,依然係娜姐件吊帶小背心,仲疑似真空㖭! 

媽咪姐

娜姐三秒標眼淚

Ads by Google

書展,從來都係一班𡃁模廝殺地,噏唔出名咩,唔緊要,最重要有肉睇,個樣岩岩巉巉咩?冇所謂,最緊要夠 gimmick有 noise,凸點露底漏 M,話咁易就爭到半版相位,可惜一年過後,你仲記得她她她是誰嗎?相比𡃁模始祖周秀娜,老實講,呢班妹妹仔仲係飲奶階段! 

媽咪姐認為娜姐身材好,但樣唔算靚,不過憑住食腦殺出重圍。現階段已上晒岸嘅佢,唔使靠剝一樣有戲拍,好似喺新戲《分手 100次》入面,擔正做女一同伊健演情侶,其中一場講佢同伊健分手,經導演鄭丹瑞喺耳邊同佢講一講,唔使 3秒啲眼淚「叭叭」聲係咁流。腦力加上努力,抵娜姐去到呢個位嘅!


喺等 roll機期間,娜姐依然手拎劇本掹住鄭伊健同張繼聰(右)對戲。證明有天份仍需要後天努力。 

娜姐不愧被稱為娜姐,能夠 3秒就眼紅紅、哭得出聲,呢個圈仲有幾多個? 

娜姐日日咁好胃口,但依然保持到苗條身材,真係得天獨厚。

    全站熱搜

    tvb4life 發表在 痞客邦 留言(0) 人氣()