權相佑同朴河宣喺劇入面飾演一對夫妻,喺戲外溝通係好重要,權權都明白呢個道理,所以一 cut機就係咁同朴河宣交流。 

媽咪姐

權相佑熱爆愛民邨

Ads by Google

最近多股韓流襲港,先後有李多海、 FT Island主音李洪基,仲有「長腿 oppa」李敏鎬嚟香港出席代言活動(陣間揭去 P.94-96𥄫實喇!),加埋 7.1「維穩騷」韓流真係一浪接一浪。但係有一股暗流唔可以忽視!講緊邊個?咪就係男神權相佑囉!佢最近同崔智友拍緊新劇《誘惑》,仲嚟到香港取景,前幾日權權同劇中另一女角朴河宣喺何文田愛民邨開工。拍攝期間佢仲熱到除咗件外套唞涼,對胸肌若隱若現,加埋隻特大「老鼠仔」,媽咪姐見到都想嗌救命!拍拍吓,圍觀嘅粉絲愈嚟愈多,仲有啲嘈㖭。不過, 37歲嘅權權見慣大場面,梗係處變不驚,仲揮晒手, nice呀! 


狂野拉閘今次《誘惑》呢幕劇情講述權權同老婆朴河宣去到愛民邨搵人,劇中權權仲激動到拍閘㖭! 

呢幾日天氣熱到爆,身為泡菜國人嘅權權睇嚟好唔習慣呢個天氣,仲係咁噴止汗劑。 

型過特首終於拍完,除剩件 tee嘅權權,沿路同開晒門睇星嘅 C9揮手,受歡迎過特首出巡啦!

銅記攬攬老婆孫泰英唔喺身邊,周日( 29日)權權同朴河宣喺銅鑼灣拍攬戲零舍 free!《蘋果日報》圖片 

為 keep靚身形,媽咪姐真係無乜見權權食嘢,反而朴河宣成日喺車大啖食,豪! 

崔智友未跌 watt

39歲嘅崔智友近年掛住拍拖,少咗拍劇,難得今次開新劇,嚟香港取景仲有 fans送花接機,威晒!


    全站熱搜

    tvb4life 發表在 痞客邦 留言(0) 人氣()