前幾日謝安琪出席航空公司活動,拎住雞蛋仔推廣香港,估唔到同首新歌又幾夾喎! 

媽咪姐

謝安琪有吉士

「 B餐」謝安琪不嬲都好率直,唔係點會為咗個小背心封面,就同傳媒反晒面。呢啲嘢其實同媽咪姐冇乜關係,但講開「 B餐」,真係要讚下佢對香港嘅關心。

Ads by Google

周一( 30日)晚,話晒臨近 7.1前夕,佢就忽然喺 YouTube發表新歌〈雞蛋與羔羊〉,歌詞仲好到肉講到明:「 A餐雞蛋撞石牆, B餐俯首做白羊」。首歌出咗未夠一日,點擊就超過 20萬。想講乜,你明嘅!
不過呢,佢嘅微博就只 post另一新歌〈勢不兩立〉嘅 MV預告,但媽咪姐見到大部分回應都係讚〈雞蛋與羔羊〉。呢啲,咪民心所向囉!


趁 7.1前夕,謝安琪出新歌〈雞蛋與羔羊〉 MV,喺 YouTube唔只點擊率勁!歌詞寫到:「今天雞蛋撞石牆不怕壯烈下場決不退讓否則俯首做白羊」,港人應該最有共鳴。 

謝安琪喺微博 post嘅〈勢不兩立〉都係新歌,但大家嘅關注去晒〈雞蛋與羔羊〉度。 

有唔少網友喺微博讚謝安琪同監製周博賢合作嘅新歌〈雞蛋與羔羊〉,但相信唔使幾耐又被「河蟹」。

    全站熱搜

    tvb4life 發表在 痞客邦 留言(0) 人氣()