壯志飢餐意大利肉,笑談渴飲 Pizza血~~ 

靚抽王

Cap圖龍虎榜

無論係上網定玩手機, cap圖已係生活嘅一部分,今期至搞笑嘅 cap圖喺邊?梗係睇我哋 cap圖龍虎榜啦!

Ads by Google

忽周自己 Cap

攻呀攻快搶攻!咬呀咬咬他吧!雖然場波已經係上星期嘅事,但係直到今日,呢股改圖嘅熱潮依然都冇停到落嚟。事關喺意大利對烏拉圭嘅世界盃賽事裏面,烏拉圭球星蘇亞雷斯竟然咬咗意大利嘅基亞連尼一啖。古有岳飛「壯志飢餐胡虜肉,笑談渴飲匈奴血」,今有蘇亞雷斯「壯志飢餐意大利肉,笑談渴飲 Pizza血」,所以話,佢同岳飛都只係愛國啫,你懂的!今時今日,愛國一定係大晒啦!



新活塞男 出沒注意

很久以前,曾經有一個男人,「不小心」將下體塞在鐵板中,不能自拔,最後成就一個傳奇。近日在德國,一名華裔男子貪得意將腳塞入一件以陰道為題嘅雕塑入面,結果,一樣係不能自拔,最後要勞動消防員拯救,新嘅傳奇就此誕生!雖然我哋都唔明白,點解啲人硬係要將啲嘢塞入去不能夠塞入嘅地方?
資料來源: 9GAG



進擊的拔罐男

新一屆亞洲先生又嚟頂癮啦!今次最出位嘅係佢:貌似「曹格」嘅拔罐男!本來我哋同大家一樣都完全唔明,點解佢會以呢個拔罐 look登場。但係諗落係合情合理,個活動係喺廣州度搞,廣州咁多按摩中心,用拔罐呢種傳統手法嚟表現自己,絕對合乎國情,而且仲可以代表中國,將呢種醫術推廣到全亞洲!大家都知,亞視同中國嘅關係係幾咁血濃於水,所以呢位拔罐男有望出線都唔定噃!
資料來源: The Guardian


撰文:娛文樂

    全站熱搜

    tvb4life 發表在 痞客邦 留言(0) 人氣()