橙色鱷魚皮 Hermès Kelly clutch30萬、 Alessandra Rich、 Gianvito Rossi 

名人潮

吾亮.星

近日風雲人物、立法會財委會主席吳亮星,人見人插,有指他是粒唔亮嘅星,寓意黑暗。
不過暫且放下政治、走入 ball場,依然馬照跑、舞照跳。鄺美雲、顧紀筠等一班名媛、靚太位位上行彈藥,鑽石大如牛眼,誓要星光熠熠。「吾」是我的意思,今時今日女人要發光發亮,靠自己就得。

Ads by Google

顧紀筠 巨首飾襯衫

人稱顧老闆的顧紀筠,每次出動都珠光寶氣,上周四( 26日),她出席太陽集團拍賣 ball,以透視肉色喱士裙襯意大利設計師 Maria Gaspari的立體首飾,件件有睇頭。「我要揀啲大嚿首飾,如果太普通點會起眼。」讀過珠寶鑑證的顧老闆,對首飾有一番見解。「細個梗係鍾意一粒粒,一卡兩卡,但買到開始買唔起,就搵唔同顏色,搵唔同寶石。」


巨型花鑽戒Maria Gaspari顧老闆指當晚裙款較印度 look,可戴多點首飾。她右手上的花卉鑽戒,由不同顏色寶石鑲嵌而成, size橫跨三隻手指。 

彩鑽豹戒指Maria Gaspari「依家揀首飾講求設計,要特別啲、少見嘅。有時見到人哋設計,就算自己諗到點,但手工始終唔係去到某個水平。」 

鑽石扣手鐲Maria Gaspari早前首度設計陀飛輪女裝手錶的顧老闆,當晚卻出動兩吋闊的大件鑽石手鐲。「成件首飾製成出嚟係咁靚,我會愛不釋手。」

鄺美雲 近百卡私伙

鄺美雲最近與太陽集團合作搞拍賣行,於開幕晚上出動 3千萬自家品牌首飾,以主人家身份招呼賓客。「從事個人珠寶品牌好單一,依家去到另一個國際平台,搜集更多唔同珍品,學到更加多嘢。」


Valentino16萬、 25卡藍寶、黃鑽白鑽共 10卡 

9卡鑽錶62萬鄺美雲手上腕錶由 9卡鑽石鑲嵌而成,錶面設計成駿馬圖案,並以綠寶石為眼睛。 

劉嘉玲 彩鑽名錶

近日為舞台劇《杜老誌》綵排的劉嘉玲,連偉仔 52歲生日都唔得閒慶祝。上周五( 27日),她以剪綵嘉賓身份去名錶活動,一身黑白新裝示人,胸前疑似凸點,極度養眼,不過都不及她手上的彩鑽名錶搶鏡。


Valentino 

5卡梨形鑽戒 

Franck Muller158萬劉嘉玲當日以 Valentino新款黑白裙襯珍珠耳環,簡單舒服,不過最吸睛是她手上由品牌送贈鑽石腕錶。

陳嵐 主石要夠勁

向華強太太陳嵐,出名多珠寶,去年在拍賣會上以 7千多萬投得 75.36卡水滴形吊墜,以她命名中國之星。講起珠寶,她霸氣十足,「珠寶最緊要主石嘅 quality,最慘我咩色都有齊,好難再揀啲咩,除非真係好鍾意,同埋價錢又好啱。」



Harry Winston紅寶套飾向太當日以合共百卡的巨型紅寶鑽飾襯花衫,她更自爆今年生日收向生 90卡梨鑽,「我哋去 Chirsitie's睇,店員將 90幾卡鑽石掛喺我度,向生見靚即時話買。」 

蔡李惠莉 低調奢華

上周六( 28日),「玩具大王」蔡志明太太蔡李惠莉,投資 8位數字打造的兒童教育中心舉行啟動禮。「孫仔孫女已報讀暑期課程,大孫女喜歡跳舞,會報讀音樂舞蹈班,孫仔愛畫畫會讀美術,以及語言課程。」當日蔡太以主人家身份現身,行頭當然唔失禮。她一身訂造套裝襯鑽飾,低調得嚟高貴。



6卡方形鑽戒 

delices de Cartier5.23卡白金鑽石腕錶蔡太當日打扮簡潔,一隻價值百萬的白金鑽錶已經夠晒 sharp醒。

撰文:名人組 
攝影:攝影組

    全站熱搜

    tvb4life 發表在 痞客邦 留言(0) 人氣()