李洪基接受訪問,提起佢嚟 shopping嘅戰利品,仲話對鞋係新買。但係就未得閒去修甲,返韓國要去美甲。 

韓氣逼人

李洪基 原來冧喬妹

Ads by Google

韓國組合 FT Island主音李洪基上周六( 28日)嚟咗香港搞佢嘅個人見面會,點知撞正成堆韓星同日殺到,真係好蝕底。不過咁,咪睇佢得 24歲,其實佢 12歲就做童星,搞氣氛呢樣嘢,真係贏晒!

 

話晒呢次見面會嘅主題係「浪漫求婚」,李洪基同 fans玩遊戲揀新娘,大會安排咗唔少女星俾佢揀,方便佢分組叮人。估唔到出名率直嘅佢,見到香港班星,好多都話唔知對方係乜水,要求:「 pass!」講起佢入行 12年嘅高低潮,佢仲好誠實話自己入行雖然紅咗,但到高中輟學就跌到低潮,好彩之後俾依家嘅經理人公司,揀咗佢做 FT Island主音,人氣又升番。今年又因為劇集《百年的新娘》,令李洪基喺海外人氣勁咗㖭!佢仲問 fans:「唔係咩?」又話好快會再嚟香港,不過係下次大減價。
早喺見面會開始前,李洪基就同傳媒傾咗幾句,雖然佢當日腰骨痛,要搵三個咕𠱸墊住。但係講到佢嘅女神宋慧喬,就好興奮:「從小開始就冇變過,連我自己都唔知點解。有機會同佢合作想演佢細佬,但演男友嘅話,我會緊張,太緊張喇!」


玩遊戲同 fans舉行婚禮,睇下呢位妹妹 fans個樣幾冧。李洪基仲將結婚相擺上 Instagram公告天下㖭! 

李洪基一出場就唱《原來是美男》劇集主題曲〈依然〉,令到全場 high爆。 

你真識貨!(設計對白) 

韓劇《百年的新娘》為李洪基打響海外知名度。 

粉絲唔 like G.E.M.

玩遊戲嗰陣,大會要李洪基揀糖妹或 G.E.M.,最後佢揀咗 G.E.M.。咦,點解 fans見佢揀 G.E.M.就高舉交叉手勢嘅?睇嚟之前與金秀賢同居緋聞,都幾大影響噃。

旺角掃街

俾 fans跟咗半日,啲相放晒上網。李洪基唔單止冇發脾氣,仲買雞蛋仔請埋 fans食。


撰文:張韋弘
攝影:葉兆康
場地提供:九龍東皇冠假日酒店

    全站熱搜

    tvb4life 發表在 痞客邦 留言(0) 人氣()