韓氣逼人

李敏鎬 男神是這樣煉成的

Ads by Google

要做男神,唔只得個樣,人品都好重要㗎!「長腿 oppa」李敏鎬點解咁受女性歡迎?睇吓佢周日( 29日)嚟香港出席代言活動搞嘅 fans見面會,短短半個鐘就令到場內千八 fans冧到爆,仲係咁讚佢夠靚仔又 nice。想學嘢,睇吓佢用邊 3招𠱁女 fans啦!

睇得


李敏鎬朝早好易面腫,但呢一日嚟到香港就瘦晒,仲瀟灑過拍廣告嗰時!佢仲𠱁fans話見到佢哋就充滿力量。 

李敏鎬話晒靠個樣搵食,唔使講梗係靚仔!仲係愈嚟愈靚仔。原來佢係靠做運動 keep住靚仔樣:「平時好忙,雖然好想用心去運動,但只係做好短時間,反而咁樣,塊面唔會腫。」

冧得

見面會只係做咗半個鐘,但唔緊要㗎!最重要係「長腿 oppa」交足貨。大會除咗同佢補祝生日令佢有啲尷尬,仲抽 6位 fans上台同佢玩遊戲,俾班太太飛撲埋去搞,冇計!不過李敏鎬個樣仲好受落。咁識做,抵佢人氣咁勁啦!


呢位 fans最蝕,只係同「長腿 oppa」影相,不過咁難得有埋身接觸,比起台下嘅 1700幾人,已經好幸運。 

李敏鎬一坐低,就先篤魚蛋俾 fans試味,呢位姐姐真係賺到笑。 

都係佢,唔係幫李敏鎬剔牙,係由佢餵緊 oppa食魚蛋,睇吓佢嘴入面含住粒蛋,笑到幾開心。

冇得同李敏鎬夾爆氣球,呢位 fans都唔執輸,撲埋去攬住 oppa,呢啲機會唔抽水等幾時。 

上次有黎芷珊追金秀賢。今次「長腿 oppa」呢,都有芷珊姐姐,但名模姚書軼好彩啲,抽中簽名海報,可以上台近距離望李敏鎬,同埋握手。 

捱得

嚟香港之前,李敏鎬除咗拍緊電影《江南 blues》之外,由上周五( 27日)開始, 3日做咗 3個品牌見面會。 3日內坐 5次飛機走勻中港韓,仲要保持住男神招牌笑容,真係少啲精力都頂唔順。

行程:
27/6(五)中午
韓國金浦>韓國濟州>金浦
護膚品牌 Innisfree見面活動

28/6(六)上午
韓國仁川>上海浦東
內地服裝品牌 Semir見面活動

29/6(日)凌晨
上海浦東>香港
電子產品 Osim見面活動

29/6(日)晚上
香港>韓國仁川


咪以為人多就做唔到 fans service,李敏鎬去濟州嗰陣,俾班 fans逼到行唔到,但係照樣握手。 

李敏鎬瞓咗兩個鐘就到上海,為保持靚仔樣,落機戴太陽眼鏡是常識。仲好 nice同 fans揮手㗎! 

由仁川出發去完上海,做完見面會再嚟香港, 18個鐘之內搞掂。李敏鎬落機仲笑得出,勁!

李多海 神之腰

呢兩日咁多韓星嚟香港,要殺出重圍,淨係靠個靚樣又點得呢?《 Hotel King》女主角李多海就醒喇!來回香港兩程機都堅持露腰,回程仲送多對長腿。
周日( 29日)嚟到香港出席慈善晚宴,就着意大利星級品牌 Giuseppr Zanotti Design贊助嘅晚裝,雖然淨係騷長腿,但話晒係度身訂造,已經贏晒!女神,咪呢啲囉!


出席慈善晚宴嗰陣,李多海就端莊好多,話晒係慈善場合,咁樣夠大體。 

李多海上月 29日中午到香港,已經着 tube top打底開腰裝益 fans。 

出席完活動返到韓國仁川機場,李多海露腰又露腿。韓國天氣熱,咁着好正常。

撰文:張韋弘
攝影:高嘉穎

    全站熱搜

    tvb4life 發表在 痞客邦 留言(0) 人氣()