名人潮

插花插上癮 何倍倩潮出花熊

Ads by Google

女士們恩物數之不盡,除了頭號最愛鑽石,相信花亦是不二之選。
Zensation老闆娘何倍倩( Anina)屬愛花一族,從衣着打扮到擺設,總離不開花卉圖案。早前她為了減壓,索性走去學插花考證書。最近她更將興趣融入生意,搞立體熊仔花套裝,務求殺出新血路。「插花唔一定整一束束咁悶,可以設計唔同公仔,送俾朋友都特別開心,於是我設計唔同花做嘅 bear bear熊,整獨一無二嘅禮物籃。」今時今日,能夠將工作與興趣掛鈎,真係唔易!

 


立體鮮花熊仔近年 hit爆,早前林建岳大女林恬兒婚宴場內,亦有擺放一對巨型粉紅鮮花熊仔,極為養眼。 

好多人話名媛靚太時間特別多,閒時扮靚、掃貨、 high tea又一日。身為 3個仔女母親的何倍倩,就選擇學門手藝,走去玩插花,更考得倫敦花藝課程證書。「其實插花係好好嘅減壓方法,去年中生完龍鳳胎後又開始做番嘢嗰陣好忙。突然俾我發現當你全神貫注整花時,唔使諗其他嘢,係可以好放鬆,之後就愈來愈有興趣。」

插出新血路

何倍倩插花插上癮,除了定期為家居換鮮花擺設,又設計不同形狀公仔,連阿仔都 like。「有時將花整成唔同嘅公仔,平日唔留意花嘅囝囝都好有興趣。我又會用鮮花做頭圈、手環,俾囡囡戴去 party影相。」她將花融入生活之外,更度出不同 gimmick,務求將花帶入生意。做美容產品生意多年的她,最近再投資七位數字,於銅鑼灣開地舖,將美容和禮品店 crossover。「依家用 hamper(禮品籃)送禮好普遍,我見市面啲花籃唔算好特別,所以設計用花造嘅熊 bear bear、手袋擺設,女士收到應該會好開心。」


雛菊熊仔有近 12吋的小熊花藝擺設,由人手以康乃馨或雛菊等製成。「起初囝囝見到隻熊,竟然話呢隻狗仔好得意,所以要不斷改進,試過好多個模先成功。」$1,600 

鮮花手袋「我覺得除咗熊仔,手袋都係女士嘅最愛,所以設計咗幾款花花手袋擺設。」$1,850 

繡球狗仔

訪問當日她更即場示範製作簡易繡球狗仔,廿分鐘搞掂。

 

step 1
整一隻狗仔用兩個白色繡球花。定位後將上面的花球修剪成圓形,造成狗仔頭,再將狗身中間用葉隔開,形成腳仔。

 

step 2
最後將眼鼻定位,後面插上顏色鮮艷的花作背景,令一對狗仔更突出。


撰文:蔡靜雯
攝影:李梓軒
錄像︰蔡政峰

    全站熱搜

    tvb4life 發表在 痞客邦 留言(0) 人氣()