閉氣半分鐘醫生勒令停游水,但佗住 9個月 B女的吳文忻,仍偷偷落水,更足足閉氣半分鐘影相。 

娛樂喧

子宮收縮快 隨時早產 吳文忻冒險挺巨肚落水

Ads by Google

前港姐吳文忻(現改名吳忻熹), 2011年下嫁有「南丫島王子」之稱的大學同學陳劍陵後,決心淡出娛圈,努力做人妻。
為了趕及 40歲前生 B,吳文忻打排卵針,終於成功得米。現時佗住 9個月 B女的她,由於子宮收縮快兼子宮頸短,隨時早產,醫生勒令她減少運動。不過她冇有怕,照挺 50吋巨肚游水,她說:「雖然水可以令孕婦減壓,但都有少少辛苦。」

Ads by Google

女人生仔,從來並非只是懷胎十月的事。將近 40歲的吳文忻,去年就中西醫合璧求孕,她說:「首先睇中醫調理身體,因為子宮寒的話好難有 BB。之後搵西醫 check輸卵管有冇塞,再打排卵針。每朝去洗手間用排卵棒睇住,邊日命中率高就嚟。」她笑言已成為專家,更稱生仔一事,男人有責。「男性啲 spam(精子)都有活躍同唔活躍,食多啲有鋅物質嘅嘢例如生蠔,令啲 spam可以游遠啲。」

孕味三點式

現時住在中環的吳文忻,即使腹大便便,也照着三點式到屋企會所泳池曬太陽。

游水助減壓

即使隨時早產,吳文忻堅持每星期游水。「醫生有叫過我 cut晒啲運動,但我反而覺得喺水下面個人冇咁重。」

高難度拗腰

有做瑜伽習慣的吳文忻,在水底不時做出拗腰動作,雙手拗後掂實腳趾,非常高難度。

體重升 40磅

吳文忻懷孕初期冇乜戒口兼甚少嘔吐,她更頻做瑜伽,身手依舊靈活。直至到懷孕第六個月,她開始感受佗 B之苦,除了個肚愈來愈大,醫生更預計有早產危機,勸諭她減少運動量。「因為我子宮頸本身短,加上子宮收縮比一般孕婦快咗成三個月,所以隨時早產。」現時懷孕 9個月的她,體重已急升 40磅,上升到新高 150磅,個肚亦有 50吋。「依家個肚硬晒,所以晚晚都瞓得唔好,不過 BB暫時仲係打橫瞓喺個肚入面。如果個頭轉咗落去的話,應該隨時生得。」
雖然隨時早產,但近日天氣酷熱,她堅持挺住巨肚,每周游水幾次。「我由細到大都好熟水性,所以唔係好擔心。其實游水可以令孕婦減壓,不過個肚咁大,都有少少辛苦。」她專登搵好友幫她影了一輯水底大肚相,記者發現肚大過籮的她,動作姿勢尚算優美。


2011年,吳文忻低調嫁人,與老公陳劍陵於香港鄉村俱樂部搞婚宴。 

做了人妻後,吳文忻淡出娛圈,之後與韓國醫療集團搞整容公司,但現時她已退股,做全職媽咪。 


中環產檢

上月 24日,本刊拍得吳文忻單拖到中環產檢,其間她發現記者,笑晒望鏡頭。由於肚大過籮,當時她特登着住鬆身衫遮肚。


影大肚寫真

早前吳文忻花了五位數,與老公到影樓影了一輯大肚寫真,「嗰日影相仲辛苦,要企足成日,加上我慣咗影相挺胸收腹,所以唔係好自然。」

生完即追仔

吳文忻已 book定山頂嘉諾撒醫院產房開刀生 B,「雖然我鍾意游水,但冇考慮過水中分娩,年紀唔細喇,順產的話有好多變數,所以我一定開刀,安安全全。依家愈來愈緊張,上網睇定啲片,見到要開八層刀,都幾驚㗎!」
吳文忻希望誕女後再下一城追番個仔。「屋企唔係俾壓力我,只係想生多個陪下個女,一男一女就梗係好啦!不過始終都係高齡產婦,唔係話想有就有。依家都叫身邊啲朋友有心想組織家庭的話,就要趁嫩生,遲咗追唔番㗎。」

醫生:情緒令子宮收縮快

一般孕婦生產前幾周都有子宮收縮現象,即是整個腹部覺得有緊繃,一天內次數頻繁,是正常假痛現象。但如果像吳文忻一樣,懷孕第 6個月便發現子宮收縮頻密,有可能是早產跡象。關嘉美醫生說:「好多孕婦喺懷孕初期,以為個肚唔係好大,所以冇好好注意休息,太過勞累嘅話、或者情緒波動,子宮會容易收縮得快。其實子宮每隔 10至 15分鐘就收縮一次,只要臥牀休息就可以改善。如果休息後都冇作用的話,就要即刻搵醫生檢查。」


採訪、撰文:娛樂組
攝影:攝影組

    全站熱搜

    tvb4life 發表在 痞客邦 留言(0) 人氣()