一生想搵個陪睇波的女人

世界杯火熱,如果另一半陪你睇波會否錦上添花?最近在網上熱傳的短片《一生只想尋找一個陪你睇波的女人》,說中不少男球迷心聲,吸引逾3.2萬個點擊。專家指,伴侶要懂得互相遷就,勿因興趣差異忽略對方感受。

Ads by Google

繼去年《一生只想尋找一個肯挨麥記的女人》大熱後,最近有網民趁世界杯熱潮,拍攝了以《麥》劇為藍本的《一生只想尋找一個陪你睇波的女人》,至今累計超過三點二萬點擊。

片中講述不少男球迷想找個陪自己睇波的女友,惟男主角的女友卻掌握電視遙控主權,只看自己喜歡的劇集;即使陪男友睇波,亦會發問「低智」問題,當男主角嘗試解釋球賽規則,但女友見到靚仔球星出場即忘形尖叫!令男主角暗嘆「你明明就係一部單核機,扮咩雙核機呀」,心裏暗諷女友無心看球賽,只管看球星。

一生想搵個陪睇波的女人

網民:怕睇波時為女友解說

短片的對白「啜核」,亦道出不少男球迷心聲。有網民形容不懂睇波的女人硬要睇波,簡直是男人的噩夢。八十後球迷Ivan說,曾有女友不懂足球,他要做足全程「解籤佬」。Ivan苦笑說:「點解球證要舉旗?點解美斯唔係代表西班牙?最離譜係問點解要二十二個人追一個波!」他指曾有朋友帶女友去酒吧睇波,但下半場未開波,她已嚷着想回家,令友人很掃興。

他坦言,其實跟朋友睇波更過癮。「譬如我買A隊贏,朋友買B隊贏,大家邊睇邊挑機,入到波就大嗌,但同女朋友講,佢只會淡然一聲『哦』,真係好無癮!」

跟得女友:支持男友興趣

球迷Alan亦指雖然女友算半個球迷,但跟朋友睇波更自在。「有啲高潮位,成班男仔會大嗌、擁抱,同女友睇就無咁free!」

如果男友是足球擁躉,作為女友點算好?八十後跟得女友Kathy並非球迷,因男友愛看球賽才陪他捱夜觀賽。她承認有時睇波焦點會落在靚仔球星身上,但起碼會讓男友知道她支持其興趣。「有時我睇唔明,佢都會解釋畀我聽。」她又指因男友睇波通宵達旦,翌日仍要上班,有時怕他捱壞,也會囉嗦數句。

一生想搵個陪睇波的女人

專家:看球賽忌忽略另一半

男生天生愛睇波?觸動輔導中心性治療及家庭治療總監程翠雲說,受傳統社交的影響,足球經常與男性畫上等號,而女性就沾不上邊。「球員在球場騁馳、互相擁抱象徵勇猛及自由奔放,男生很想追求這些感覺,社會對他們玩足球表示支持。反之,傳統覺得女生踢足球很粗魯、踢得多小腿亦會粗等等,變相並不鼓勵女生踢足球。即使到現在,有些中學的體育堂也不讓女生踢足球。」

但她指女生陪男友看球賽時吱吱喳喳,有時無非想引起注意,不想對方忽略自己。她建議男生與女生看球賽時,偶爾也可擁抱、稱讚伴侶,令她覺得被重視;女生也可上網或看書了解球賽基本知識,雙方學習互相遷就及體諒,避免因一時興致而忽略伴侶感受。

一生只想尋找一個陪你睇波的女人

    全站熱搜

    tvb4life 發表在 痞客邦 留言(0) 人氣()