75分 

私口味

變形金剛:殲滅世紀

Ads by Google

我感激 Michael Bay,《變形金剛:殲滅世紀》( Transformers: Age of Extinction)來香港取景,拍的是鰂魚涌、西九、深水埗,即使憑空加插了單軌火車,也有八成真實,背後是一分尊重,作為在香港出生在香港生活的小市民,情緒特別高漲,一掃去年看《悍戰太平洋》( Pacific Rim)的吹脹。何況,香港出現在結局的重頭戲,長達四十分鐘,看到一艘天星小輪被吸起,就係 high過見到空軍一號被轟爆。

 

當然,我也明白,重點還在強國出資。強國真係強,來到《殲滅世紀》,硬銷的已經不是紙包奶或跑車或冰冰,錢多到可以令電影硬生生加插一段強銷北京也可以。北京高官好似好匆忙的拋下一句:「香港瀨嘢,北京一定撐!」酷斃了。然後,鏡頭一轉,機械人反轉香港,點解唔見解放軍嘅?負責拯救香港的,是柯柏文與一班兄弟,是美國平民,香港警方負責在旁吶喊打氣,大陸人負責運送禍端過來。情況,一如坐在香港航空為每人八百元賠償而義正辭嚴拍片老屈賴死唔走的國內同胞,明明是國家的空管出事仲要怪罪鄰近地方當正自己啱晒。無恥,確實無敵。
唏,睇《變形金剛》仲諗咁多無謂嘢?媽咪會鬧㗎!我記得《變形金剛:狂派再起》( Transformers: Revenge of The Fallen),我曾經講過戰場搬了去陌生的無人境,令觀眾的危機感大減。以此邏輯,《殲滅世紀》當然震撼到香港人,尤其見到片頭一大堆簡體字公司名,電影情節偏偏講到要爭取自由爭取自主,真係好震撼。唉,都話唔好諗無謂嘢。


 

畢竟來到第四集,新鮮感已經無晒,加入香港元素只可吸引香港人,對地球上其他觀眾來說,還有什麼稀奇? Michael Bay先參考《未來戰士續集》( Terminaor 2: Judgment Day)的液態機械人,將柯柏文的對手也塑造成流動形態;再攞自己的作品《絕世天劫》( Armageddon》倒模一次,又係單親老豆好怕個女拍拖,點知個女係要拍,搞完一場大龍鳳後,老豆終於接受。十六年前,可能真有人會為父女情而感動;今日?在《變形金剛》內?都係嗰句,唔好諗咁多無謂嘢,不如叫 Nicole Peltz著番佢嚟香港首映嗰件開胸晚裝去打機械人啦!李冰冰可以著樽領衫揸電單車,但《變形金剛》始終需要一個 Megan Fox般的花瓶。

方俊傑


    全站熱搜

    tvb4life 發表在 痞客邦 留言(0) 人氣()