由現任民航機師用簡單英文教小朋友揸飛機,有得玩又有嘢學。 

大拼盤

學做小機師衝上雲端

Ads by Google

《衝上雲霄Ⅱ》雖然一早播完,不過就激起不少人的飛行夢,甚至連小朋友都想學做 captain揸飛機。挪亞方舟和 BabyElite合辦的「小小機師訓練營」就俾一班小朋友一嘗做機師滋味。

 


有睇《衝上雲霄Ⅱ》的朋友一定明白飛機起飛和降落唔容易,所以林機師都話年紀較大的小朋友較易控制。 

活動較一般 role play過癮,小 model Ryan先穿上機師服,再到模擬機室聽現任民航機師用簡單英文講解飛行小知識。最好玩係可以手執模擬飛行器,左右扭動軚盤。林機師表示:「好多人以為拉行軚盤,飛機就會起飛,其實飛機同汽車一樣,都係要靠踩腳踏推動引擎。」林機師話 6至 9歲的小朋友學會用軚盤飛一圈已算「好叻」,有多餘時間才教起飛降落。 Ryan仔話「好似玩遊戲機一樣,好得意」。

跟空姐學派餐

女孩子唔鍾意機械,可參加「小小空中服務員學堂」,穿上制服跟現任空姐學習待客禮貌和學用救生衣,內容實用,家長應該 buy。小 model Vanessa就最喜歡推餐車學派餐,仲話「大個咗都想做空姐」。
另外,還有「一飛沖天水火箭」活動,幾特別。水火箭坊間少見,又需在大片空地進行,平日想玩都難。導師講解完水火箭的製作過程和發射原理, Ryan和 Vanessa就幫手把空氣泵入水樽內,再按掣發射。「火箭」發射時會噴水,玩時要小心啦!


穿制服學空姐派餐,兩位小朋友似模似樣。 

水火箭發射時,會噴出內裏的水,猶如真火箭一樣,可飛到遠處。 

水火箭是靠氣泵把空氣泵進有水的樽內,樽內壓力上升,放氣時自然會飛向上天。

挪亞方舟「飛躍 5周年–飛凡翱翔體驗之旅」

活動日期:即日至 6月 15日(逢周六、日及公眾假期)
時間: 10am-6pm
地點:香港新界馬灣珀欣路 33號
查詢: 3411 8888
入場費:$155/成人、$125/小童及長者

其他兒童職業體驗: 15種職業任揀

Dream Come True提供的職業夠多樣化,小朋友可選擇當科學家、主播、消防員或育嬰護士等,每個課程歷時 40分鐘。家長可先在網上購買入場券,就唔怕摸門釘。
查詢: http://www.dreamcometrue.com.hk/ 
入場費:$320/小童、 160/成人


撰文:陳煒晴
攝影:劉玉梅

    全站熱搜

    tvb4life 發表在 痞客邦 留言(0) 人氣()