徐濠縈唔怕雷劈最驚蛇

被歌手老公陳奕迅(Eason)形容為「肯雅徐」的徐濠縈,為了有最佳的狀態,風雨不改練跑,就算行雷閃電亦無畏懼,她笑言冒着被雷劈的危險,毅力相當驚人!

Ads by Google


周汶錡不介意做美魔女,笑言心境年輕即可。

昨日徐濠縈、名模周汶錡及Amanda S.一同出席J.Crew女裝店開幕活動,阿徐透露早上跑完步才出席活動,記者問到雷暴下可有驚險事?她說:「要冒住畀雷劈同閃電危機,不過呢啲我都唔怕,夏天跑步我最驚有蛇蟲鼠蟻,試過同師兄(劉浩龍)一齊跑,佢又跑得快喺我前面,我突然見到有條嘢就大叫,佢仲以為我見到污漕嘢,其實係蛇。」

問到是否常跟師兄一起跑步?她說:「依家少啲,(同埋容祖兒一齊跑?)咁又冇,我好多時都自己跑,(師兄有異性冇人性,唔再同你跑?)咁又唔係,不過都會祝福佢哋!(催佢哋快啲結婚?)佢哋有分數啦,我會支持佢哋,佢都好少同我講呢啲,同我個女仲friend。」談到父親節如何跟女兒及Eason慶祝?她表示Eason正在跟湯唯拍電影,當得悉Eason自爆很喜歡湯唯時,她即笑言自己也曾被指像湯唯!


Amanda S.密實中見性感,露出結實纖腰。

徐濠縈熱愛跑步,路上不怕風雨,卻怕蛇蟲鼠蟻。

湛琪清坦言想跟表姐夫甄子丹合作。
周汶錡杜德偉有偈傾

此外,剛度過40歲生日的周汶錡就透露老公送了首飾給她,她認為禮物還是其次,最重要是開心。她又不抗拒被指是美魔女:「呢個名幾特別,每個人都會經歷啦,心境唔老咪得囉,我唔化妝個樣都會後生啲!」對於日前她跟舊愛杜德偉同場而被指零交流?她沒好氣地說:「咁耐陳年歷史仲講,好煩厭,我哋有講嘢,佢仲話我知八月開演唱會,(你買飛睇?)佢邀請我咪去,(叫埋老公一齊睇?)佢唔識聽。」她又謂好友草蜢開演唱會,自己也會捧場。

文:名人組

阿徐撐劉浩龍結婚

#video_player{width:100%;height:100%;}


■徐濠縈與J.Crew創意總監Jenna Lyons(左)合照。

徐濠縈和周汶錡(Kathy)等昨日在中環ifc出席美國品牌J.Crew開幕酒會,阿徐透露今朝冒雨跑步,怕遇到蛇蟲鼠蟻,並謂曾與劉浩龍跑步遇到青竹蛇,不過對方現在甚少陪跑,記者笑劉浩龍有異性冇人性,阿徐說:「唔係,我要祝福佢開心,終於唔使陪我。」談到容祖兒視劉浩龍為結婚對象,她說:「佢哋嘅事有分數,作為朋友會支持。」
阿徐透露老公陳奕迅在廣州拍戲,這兩天正拍攝大場面:「第一次聽到佢話拍戲有壓力。」提到老公喜歡跟湯唯合作,她說:「啲人話包包(女兒)似佢,又有人話我喺一部戲入面似佢,所以咪鍾意佢。」
採訪:羅慧敏
攝影:沈建程

 

    全站熱搜

    tvb4life 發表在 痞客邦 留言(0) 人氣()