羅霖雙線發展
鋪後路賣酒


■羅霖話之後會好忙,所以爭取時間陪囝囝,前晚就帶埋佢睇首映。

Ads by Google

美魔女羅霖前晚去咗尖沙嘴The One睇《變種特攻:未來同盟戰》嘅首映,仲帶埋囝囝一齊去,佢話:「我次次睇親首映都會病,不過可以帶埋囝囝好開心。」
羅霖話佢嚟緊下月好大機會做代理賣酒生意,因為覺得做娛樂圈呢行周期短,一定要幫自己鋪定後路,如果傾得成就會從商,但唔係息影,會同演藝工作雙線發展。馮仁昭即刻問佢仲會唔會keep住做美魔女?羅霖話:「做!好嘅外表可以增加自信,人都開心啲,就算唔喺娛樂圈都會keep fit,對儀容負責。」


■前晚《變種特攻:未來同盟戰》首映吸引好多藝人捧場,魯芬BB(左一)仲打扮得好鬼cute㖭!

另外,羅霖話為咗呢個代理生意,最近試咗好多酒,而佢今次代理嘅紅、白酒都會係平民化。講到佢嘅酒量,羅霖話佢做空姐嘅年代已經識得飲酒,唔敢講話酒量好,但都唔易醉,最多只係好high咁啫!
撰文:馮仁昭

 

    全站熱搜

    tvb4life 發表在 痞客邦 留言(0) 人氣()