美棋BB拍拖食飯 負責埋單

藝人黃美棋昨日現身中環為nowTV飲食節目《食guide》擔任嘉賓,自稱為食的她自爆最拿手煮西餐及泰式蝦餅,現時更於網誌中寫食評及介紹地道美食。她自爆經常與朋友外出試菜,問到緋聞男友鍾健威(Ray)是否其「飯友」?她即Sweet爆笑言會互相請客:「我叫人陪我食飯,通常都由我埋單,(Ray要你請客?)有時佢請我,我請返佢。」

Ads by Google


黃美棋拿手整泰式蝦餅,但男友鍾健威未試過她的手勢。

問會否請對方食拿手菜炸蝦餅?黃美棋即笑稱Ray未夠好運:「佢未有咁好彩(幾時煮畀佢食?)睇佢有冇運(當作收花後回禮?)都未有人認邊個送(問清楚Ray嗎?)冇問,驚佢答唔係咪好瘀,我呼籲快啲有人認送花啦!」

美棋BB收花冇問男友

黃美棋(右)同羅彩玲噚日喺中環錄影飲食節目,美棋BB為寫食評四出覓食,緋聞男友鍾健威間中同行,兩個輪住請對方。美棋BB話自己最拿手係煎蝦餅,緋聞男友有冇試過先?美棋BB話:「佢未有咁好彩,睇吓佢有冇運試到喇。」日前美棋BB收花,但未知乜人送,不過如果真係鍾健威送會唔會可以用蝦餅回禮先?美棋BB話:「我冇問係咪佢送,但即使係,一紮花都唔可以換蝦餅。」而羅彩玲就乜都唔食,錄影期間揀飲擇食。
撰文:馮仁昭

 

    全站熱搜

    tvb4life 發表在 痞客邦 留言(0) 人氣()