滾熱辣

翠蕭局演消毒騷 小三黃翠如𤓓爆嗌分手

Ads by Google

唉!同人唔同命!「翠蕭戀」被斷正,「何蕭戀」亦被斷正,今次「翠蕭戀」大台就出盡力,搵《東張西望》為翠蕭兩人消毒。因為翠如 BB係高層余詠珊愛將,為拯救翠如純情形象,蕭公子局住肉麻示愛,更親證翠如 BB唔係小三、小四,落足洗潔精加漂白水,一於去污又消毒。
周三,本來《東張西望》加料,搵翠如上節目吐苦水,最後翠如縮沙。據知由 BB變姣 B的翠如,自感𤓓爆,又不甘在男友車廂屈蛇逃走受辱,兩人吵大鑊嗌分手。

 


何傲芝周二現身,她雙眼通紅,面容浮腫,擺明喊過。 

又一次證明「邊有唔食魚嘅貓」,蕭正楠遇上外表純情,內裏 open的翠如姣 B,又點會唔中 BB降。去年 11月,翠如早就瞄準上位中的蕭正楠,儘管當時蕭正楠已名草有主,但恃住有大台高層余詠珊撐腰,她密謀暗中搶仔。
翠如姣 B姣溝蕭正楠,為免「小三」打爛純情形象,年初被揭撻着時,她更擘大眼講大話,說當蕭是大佬︰「同佢冇可能。」

鬧爆被迫趴車廂

可惜紙包唔住火,最近有周刊斷正兩人返歸過夜。報道出街後,黃翠如震怒,又埋怨蕭正楠要佢匿車廂趴地。「當時蕭公子發現記者跟車,翠如喺車上面,蕭公子二話不說就叫翠如趴低,扮車廂冇人。報道出咗後,翠如覺得好肉酸,更為呢件事同蕭公子吵大鑊,又猛嗌分手。」知情者說。
報道出街翌晚( 12日),蕭正楠被高層急召返大台上《東張》,強調自己是單身,目的是力保黃翠如純情形象,並非小三。蕭正楠在訪問中,戮力護花,「佢好純,大家好夾好有默契……好難得撞到咁好嘅女仔……我單身咗好耐,冇小三、小四、小五……」言辭肉麻到極,訪問還一晚播兩次。據知訪問出街後,被網友狂插,消毒騷變放毒騷。
消毒騷一出,沉默多時的何傲芝終於爆發,在微博反擊,引用當年舊愛的經典金句:「邪不能勝正!」何傲芝在 WhatsApp中表示︰「唔想愈描愈黑。」但她強調沒有馬主新歡︰「不是事實不回應。」她表示︰「多謝關心。」
對於「翠蕭」連日的風波,力撐黃翠如的余詠珊指︰「當日蕭正楠被追訪走投無路好慘,佢亦都打算公開,唔想翠如一個人面對群眾,咪利用公司嘅節目,由男仔去承認。男未婚女未嫁,拍拖好正常……」余詠珊企圖減低事件對兩人形象的損害程度。余本來還安排黃翠如在周三晚再演消毒騷。不過,翠如自感太𤓓,最終決定龜縮。


隔空發功去年十月籌備拍新劇時,蕭正楠拉大隊到九龍城打邊爐。蕭正楠同黃翠如一齊黐黃浩然車坐,黃翠如更要求蕭正楠坐隔籬。 

搵人隔住年初兩人傳戀情,探班時兩人唔敢合照,要搵張景淳隔住。 

搶角色做正印

其實,黃翠如純情背後,搶嘢甚有計。去年她為了在《師奶 MADAM》中與蕭正楠演夫妻,就勁冧監製李艷芳,成功從黃智雯手中搶走角色。開劇不久,翠如姣 B已採取主動,劇中兩人演夫妻,名正言順攞正牌互冧。黃翠如不時在蕭正楠面前扮傻扮懵,並藉機挨身挨勢。
有工作人員透露︰「佢對住蕭公子成日嗲聲嗲氣,翠如一個電話,蕭公子漏夜都幫佢買消夜買糖水。」
今年 1月,「翠蕭」撻着已傳遍大台,當然亦傳到何傲芝耳中。當時蕭正楠向女友保證,與黃翠如只是演戲。雖然男友唔認搭上翠如姣 B,但大台耳目眾多,唔少睇唔過眼的人勸何傲芝「睇實男友!」有次黃翠如在化妝間遇見何傲芝,立即扮打電話,目光不敢正視何傲芝。
黃翠如姣功凌厲,步步進逼,不時 WhatsApp蕭正楠,三句唔埋發放「 I miss U!」訊息,附加 kiss公仔。蕭正楠開始對翠如大獻殷勤,收工也不回家,寧願喺廠捱眼瞓等埋翠如收工,然後車對方回馬鞍山寓所,自己才返回荔景。


肉麻示愛蕭正楠周一( 12日)段「愛的宣言」,先在《東張西望》播出,之後再在深夜的娛樂新聞時段重播,做法實屬罕見。 

反口覆舌去年黃翠如被發現中六時曾在《鏗鏘集》訪問中,表態支持 89民運,但她再被問及此事時,竟矢口否認。睇番 BB舊照,依家塊面離奇尖。 

專幫愛將自有線年代開始,黃翠如同陸浩明已經係余詠珊愛將,余詠珊仲一手將兩人帶埋去大台。《蘋果日報》圖片 

網友圍插兩人因為拍新劇撻着,但戀情被網友插爆,更有人寸黃翠如愧為基督徒。 

美麗分手謊言

當時何傲芝獨守蕭家,晚晚在家喊,試過喊到妝都上唔到,農曆年更向公司請了三天假。而蕭正楠為𠱁何傲芝,試過送上頸鏈安撫,更誓神劈願話唔會同黃翠如一齊。不過最終蕭正楠都難逃翠如姣 B的引誘,搵藉口向何傲芝提出分手。
輸家何傲芝本來還有一絲希望與蕭正楠復合,因為當初兩人分手時,蕭正楠更俾個假希望她:「我想專注事業,遲啲大家再喺番埋一齊……」但兩人斷正過夜後,何傲芝完全死心。三月約滿的她,本來還在考慮會否與大台續約,但現在為免日後眼寃,已決定唔續約。
周二,她從將軍澳住所到尖沙嘴 K-11時明顯眼腫腫,更一味表示唔想再提起蕭正楠與黃翠如,只想盡快收拾心情工作。
愛情向來都是一盤數,昔日蕭公子與何傲芝多次被影到拍拖,都死口唔認。不過,今次撻着的是有「珊」罩的黃翠如,蕭公子想唔認頭都幾難!他計過度過,都知邊個女人唔好惹!


秘戀三年去年蕭正楠在旺角撞車,才令他與何傲芝這段三年情曝光。《蘋果日報》圖片 

蕭正楠一直將自己與何傲芝的戀情保密,這次兩人拍拖行書店,是少數被拍到的拍拖照。《 FACE》圖片 

周二( 13日),何傲兒被問及同家姐情敵黃翠如有冇偈傾時,佢話大台係大家庭,唔會冇偈傾。何傲兒同大台仲有約,難怪佢冇得幫家姐出聲啦。 

黃翠如同洪永城一直以情侶檔示人,其實男對女有意,但黃翠如嫌洪永城未夠班,故一直對他若即若離。 

《東張》消毒變放毒

05年啟播的《東張西望》,本來是時事節目,不過近年已淪為大台的消毒騷,為大台或旗下藝人補鑊,偏頗報道多次受市民抨擊。

抹黑港視

去年王維基申請免費電視牌照失敗, 11月時節目曾以半小時報道事件,質疑港視只有美觀外殼,實則未能運作等批評,公器私用。事後收到 2萬 5千個電郵投訴。

平反膠劇

正在黃金時段播映的馬騮劇,被彈特效粗糙,首周只有 23點,第二集更跌至 21點,通訊事務管理局亦收到 91宗投訴。惟節目卻為該劇平反,又只揀網友讚好留言報道,引起網民鬧爆。

借病人宣傳

行動不便的劉家輝,上周回大台參觀,更安排在《東張》播映。主持人林映輝多次叫他多點笑容,逼得劉家輝無奈地說:「好難笑呀!」網友鬧爆節目借病人抽水。

翠如繼續扮純情

東窗事發,蕭正楠要出來做醜人做消毒騷,但黃翠如則戮力在 facebook繼續扮純情。


11/5詐傻扮懵星期日戀情見光,黃翠如在網上自稱是「 stupid student」,意圖詐傻扮懵。 

12/5淡化小三翌日戀情熱爆全城,以受害者自居的黃翠如,發表「傻人有傻福」言論,想淡化自己的小三身份。 

13/5暗寸傳媒蕭正楠在電視上示愛,表示戀情需要空間之後,黃翠如表示自己「需要呼吸」,暗寸傳媒逼得太緊。

藝人撐傲芝

 


梁梓禧(前名梁奕倫)都戥何傲芝唔抵,話有人有高層撐,何傲芝輸梗。 

至於同黃翠如曾在有線做過同事的主播鄭文,都有 like梁奕倫段文,仲留言寸爆有人一直靠高層撐。 

正印網上反擊

何傲芝對傳媒口密,但係佢喺網上就不時發功,暗寸情敵黃翠如。


16/1有人扮嘢何傲芝暗寸情敵外表純情但搶人男友,表裏不一。 

12/5邪不勝正正印何傲芝借用蕭正楠多年前金句,暗寸「邪花」唔威得幾耐。 

14/5有人放風有報道指是何傲芝搭上馬主,她暗示有人放風,刻意抹黑她。

採訪、撰文:娛樂組 
攝影:黃順明、劉達明

全站熱搜

tvb4life 發表在 痞客邦 留言(0) 人氣()