三至五月是青梅當造時節,青梅外表「青 BB」,表面毛絨絨,因為實在太酸又苦澀,沒有人會生食,多用作浸酒或製成梅子醬。 

壹知全解

梅不止渴

Ads by Google

望梅止渴,一想起梅,口水分泌立即大增,此時正是青梅當造期,不少人把青梅浸酒,話飲咗會開胃止渴,究竟有無根據?

 


筲箕灣街市有不少水果檔有售青梅,周老闆指,家庭主婦一買就四五磅,但踏入五月已是青梅尾造,要買趁手。﹙郭永強攝﹚

筲箕灣露天街市內,很多檔口放着一籮籮的青梅,街口鮮果店周老闆告訴記者,三至五月是青梅的當造期,「通常都係一般家庭主婦,或者上咗年紀嘅老人家嚟買,一買就買四五磅。」
大手入貨有何用法呢?老闆解釋:「佢哋買返去浸酒多,浸白酒、高粱,或者日本清酒,一磅梅,配一斤酒、半斤糖,浸大概三個月就飲得。」做法也簡單:「先洗乾淨個樽同青梅,印乾晒,擺啲梅先,再加糖,然後倒酒入去。」
老闆笑說常見的梅子醬,也是由梅酒而來:「將浸完酒嗰啲青梅撈啲麵豉醬,咪就係梅子醬囉,可以蒸魚蒸排骨,唔使嘥。」他更教路如何揀靚梅:「梅身要夠青,有個啄,要結實啲重身啲,唔好揀偏黃,不過而家尾造都偏黃。」老闆還聽說飲青梅酒有助加快消化,生津解渴,健脾開胃。

酸酸甜甜易入口


梅酒做法簡單,先將梅及製酒瓶洗淨,然後印乾,瓶內加入青梅、黑糖或冰糖、米酒,浸上三個月就可以喝。 

然而,營養師李龍家麒就認為青梅營養價值不太高:「青梅含有小量果糖,纖維唔係特別多,亦唔係太好味,味道偏酸,而且果酸含量好高,唔會就咁直接食用。中國或日本人就會用嚟浸酒,酸酸甜甜易入口。」
而所謂解渴功效,李亦覺得治標不治本:「當食到一啲偏酸性嘅嘢,會刺激到口腔唾液分泌,會有多啲口水,幫助濕潤喉嚨同食道,但唔可以補充水分,真正解渴係要飲水。」
怕肥人士更要小心,他續說:「梅酒加咗大量糖調味,令酒好飲,熱量同時會高。酒精有熱量,一克酒精有七個卡路里,濃度僅次於脂肪,肥過肉同飯,怕肥就唔好飲太多。」梅子酒的酒精濃度一般有十五度,容易入口亦好易醉。

消除疲勞?

因為青梅夠酸,據聞含有豐富檸檬酸,可以分解體內引致疲勞的乳酸,李龍家麒直言:「運動過後乳酸會停留喺肌肉,形成疲勞。但好多食物都有檸檬酸,唔使一定食佢,無文獻證實青梅有呢個功效。」事實上,檸檬酸也不能迅速消除疲勞。


撰文:林丹霞
攝影:蘇智鑫 

    全站熱搜

    tvb4life 發表在 痞客邦 留言(0) 人氣()