罕有合照向來怕上鏡的 Lorraine,一見記者鏡頭就左閃右避,極少被傳媒影到二人清楚合照,今年初他們睇完軟硬騷,破例俾人拍下二人貼身合照。 

娛頭

苦等廿年 古巨基 12月 14(一愛)(一世)娶助手 Lorraine

Ads by Google

同助手女友 Lorraine共度二十年的古巨基,多年來經常被催婚,但基仔一直未肯公開確定女友名分,只承認對方是「得力助手」。
踏入四十一歲,基仔開始為人生大事作打算。今年初,終於的起心肝向女友求婚,更揀定一個特別日子,在今年十二月十四日,迎娶 Lorraine過門,取其國語發音「一愛一世」,冧到痺!
等足廿年, Lorraine除了得到古太名分,最近基仔與人合資開設甜品餅店,準基嫂更獲贈送股份。根據公司註冊處資料顯示, Lorraine的持股量比基仔還要多。

楊受成催婚

今年娛樂圈喜事重重,有傳黃曉明與 Angelababy年底在北京擺酒;蘇永康計劃再婚、迎娶拍拖八年的女友馮翠珊;就連女都生咗兩個的 B哥哥鍾鎮濤,亦打算八月同范姜完婚。但原來「老襯」名單中仲有古巨基,今年年底,他將會同拍拖二十年的助手女友 Lorraine拉埋天窗。
以往,古巨基每逢提起助手女友 Lorraine,都顯得十分避忌,甚至拒絕承認情侶關係;今年一月 Lorraine生日,基仔卻一反常態,在微博公開祝賀女友,並上載專登訂造的 Hermes手袋款蛋糕相片上網,好高調。
「近呢一年,基仔冇再咁避忌同 Lorraine嘅拍拖關係。今個農曆新年,基仔、 Lorraine同老闆楊受成食飯,就俾楊生當住大班人面前催婚,俾着以前,基仔實會 hea咗去,扯去講其他話題,但今次佢竟然話:『好呀,諗諗佢先。』楊生即刻拍心口話只要基仔結婚,會負責包起晒全部酒席,連 Mani都話唔使佢(基仔)煩,會幫手搞到個婚禮好好睇睇。其實唔只 Lorraine等緊呢一日,身邊啲朋友都望佢哋快啲有好消息。」基仔身邊人說。


根據公司註冊處記錄,基仔新開的 A Big Cake Company有三個股東,當中 Lorraine所佔股份比基仔更多。 

拍拖睇鋪睇完鋪,二人再去買咖啡,基仔更幫女友擔遮。 

睇鋪期間, Lorraine負責幫基仔做記錄。

基仔在新鋪睇裝修期間不時同裝修師傅指手,又用手機影低現場環境。 

擇定吉日

據知,今年一月成功求婚的基仔,對婚禮形式還未有具體定案,本來有打算在香港大排筵席,但考慮到另一半始終是幕後人,不慣面對傳媒鏡頭,為保護未來老婆,初步擬定飛到外地行禮,心水地方包括歐洲同韓國。
雖然婚禮地點未揀定,但基仔一早已經揀好良辰吉日。
「基仔不嬲多鬼主意,又鍾意玩食字,連結婚日子都要有意思,加上佢鍾意冬天浪漫啲,所以定咗十二月十四日,話鍾意個國語發音係『一愛一世』,我哋都估唔到佢咁浪漫。」基仔身邊人說。
為了全心全意籌備結婚,基仔刻意減產,原定今年開演唱會的他,已將大計延至明年中,又推掉一套在下半年開拍的大陸電視劇,現階段只俾時間還廣告債,以及盡快錄製全新廣東唱碟。


週二,基仔前往錄音室,當記者問到有關婚事,他都封口拒絕回應。 

今年一月基仔在微博高調同女友祝壽,更大晒特別訂造的 Hermes款蛋糕。 

最近基仔忙於還廣告債,上星期為「合味道」拍新一輯廣告。 

農曆新年期間,基仔帶埋女友出席飯局,席間大部分人都一雙一對,容祖兒同劉浩龍都是座上客。 

有股揸手

基仔要做負責任嘅男人,除了給女友「古太」名分,就連投資生意,都預埋 Lorraine一份。
計劃同友人合資在中環開 cake shop的基仔,今年四月成立了「 A Big Cake Company Limited」,根據公司註冊處記錄,股東成員除了基仔及其拍檔, Lorraine都有份,持股量更超過基仔,當中 Lorraine同另一位股東,各佔三千五百股,基仔只佔三千股。
「其實 Lorraine一直都係基仔嘅財政大臣,之前搞 ABC時裝店、買樓買鋪全部都經 Lorraine手,雖然冇落女友名,但啲錢同撈亂使冇乜分別,今次搞 cake shop俾 Lorraine做埋股東,基仔無非都係想佢有啲實際嘢揸手,可以想像,佢哋嘅關係又去到另一個層次。」


楊受成同 Mani不時都有向基仔催婚,更拍心口保證幫基仔搞得好好睇睇。 


近年基仔除了幕前演出,更積極投資做生意,之前開設了時裝品牌,都是交由女友幫手打理。

拍拖睇鋪

上星期六(五月十日),基仔與 Lorraine拍拖到位於中環荷李活道的前已婚警察宿舍,現已改建為即將開幕的創意藝術中心「 PMQ元創方」,據知基仔決定在此開店,是睇中上址將會是年輕人新蒲點,會吸引一定人流。
當日所見,二人與裝修師傅商討裝修,基仔講解時不停手指指,又用手機影低四圍環境,在旁的 Lorraine間中亦會提出意見。二人在店內逗留約三十分鐘,再一齊行到附近買咖啡,由於落住雨,基仔負責擔遮,幫未來老婆遮風擋雨。
本週二(十三日),基仔由中環寓所出發到新蒲崗錄音室,聽到記者問有關十二月結婚以及開鋪加埋女友名,基仔愕一愕,只拋下一句:「上去錄音,好肚餓呀…… bye bye!」然後急步入𨋢。
完全答非所問!


見到老友伊健同蒙嘉慧,周慧敏與倪震都結晒婚,令到基仔有結婚打算。 

愈愛愈公開

古巨基九十年代簽約藝能唱片公司,認識當時負責做宣傳工作的 Lorraine,二人一撻即着,緋聞傳足二十年,由否認到半公開,二十年後終於開花結果。

 

07年
被拍到二人到位於大埔的豪宅比華利山別墅睇樓,有傳當時基仔想買樓築愛巢。

08年
在 TVB《十大勁歌金曲頒獎禮》奪得「最受歡迎男歌星」獎項,基仔在台上發表愛的宣言,聲淚俱下公開感激與他並肩作戰多年的助手 Lorraine。

09年
古巨基創立時裝品牌「 ABC」榮升老闆,助手 Lorraine負責管數,打正旗號升級做老闆娘。

13年
去年周慧敏自組經理人公司,基仔割愛,安排 Lorraine成為 Vivian公司的經理人,並出席 Lorraine簽下的新人梁靖公開活動,以表支持。



講金•講心

大部分男藝人,為向老婆派定心丸,婚後都會安排身家大轉移,同另一半講金又講心;兩公婆財政獨立例子,一樣不少。

有名有分

李克勤
與盧淑儀拍拖期間,已將旗下兩間公司加上女友名字,各持一半股份;到 06年結婚,李克勤名下的億億聲物業包括甄沾記大廈、龍湖別墅、壽臣山曉穎花園等,全部同老婆共同持有。

 

甄子丹
03年與汪詩詩再婚後,宇宙嫂成為老公財政大臣,甄子丹手持的七項物業,全部同老婆聯名持有,汪詩詩佔大份,甄子丹只佔細份。

 

劉愷威
就快做老豆的劉愷威,結婚前已將名下公司及去年以三千萬購入的半山蔚皇居,加埋大肚婆楊冪個名。

有名冇分

郭晉安
06年與歐倩兒結婚,先後誕下一子一女,郭晉安手持匡湖居、兩個駿昇中心等五個單位,全部都冇老婆份。

 

鄭伊健
當年與邵美琪拍拖,因部分物業加有對方名字,二人分手後,伊健要將大部分身家撥歸邵美琪;經此一役後,鄭伊健就算同蒙嘉慧修成正果結婚,但名下物業,全部冇鄭太名。

日久生情

藝人工作時間長,經常與身邊助手朝夕相對,好易中招,並培養出真感情。

 

許志安
93年開始當安仔助手的潘恆章(細佬),多年來對安仔照顧有加,曾秘密拍拖兩年,直到 07年 Michelle介入被飛。

 

張震
去年張震宣布與拍拖四年的前助手莊雯如拉埋天窗,據知女友多年來一直在張震身邊默默支持,二人因工作朝夕相對而擦出愛火花,婚宴當日前緋聞女友舒淇亦大方到賀。

 

李治廷
有樣有家底的李治廷, 12年與范冰冰傳出姊弟戀後,去年被揭與已婚女助手阿 Wing蜜運,經常結伴出國公幹,二人寓工作於拍拖,不經不覺飛出真感情。

 

鍾鎮濤
97年與章小蕙宣布離婚後,同年與助手范姜展開戀情,雖然未正式做鍾太,但亦為阿 B誕下兩名女兒,有傳二人將於今年 8月拉埋天窗,結束同居生涯。


撰文、攝影:娛樂組

    全站熱搜

    tvb4life 發表在 痞客邦 留言(0) 人氣()