Kenneth每堂都會教學員用身體做戲,訪問當天,他就親自教學員如何中拳。 

職場起底組

由路人甲乙丙丁做起 臨時演員

Ads by Google

本土出產的電影如《狂舞派》和《殭屍》大受好評,在各電影頒獎典禮均有得獎,可見香港電影業仍然不可忽視。如果大家想拍戲,不妨由臨時演員做起,坊間有機構開辦臨時演員訓練課程,修畢後還有工作轉介,讓學員一嘗拍電影滋味。

 

電影《喜劇之王》內,尹天仇(周星馳飾演)在片場向一班臨記說:「雖然你哋飾演路人甲乙丙丁,但都係有生命、有靈魂嘅……」課程導師 Kenneth曾參與《陰陽路》系列及擔任 NLP導師,他十分認同這番說法,「香港有亞洲荷里活嘅外號,但你打開電視或者睇戲就發現,臨時演員無論喜事白事都係同一個表情,因為佢哋冇接受過訓練,呢個課程就係想訓練一班臨時演員,提升電影業嘅質素。」
臨時演員沒有對白,只可靠聲音和身體動作演戲, Kenneth指其實難度很高,「我會教學員點用身體做戲,好似俾人打唔同部位就要有唔同嘅反應,打肚要識捲埋個肚、打頭要識借位畀反應、打腳要識叫同縮等,每堂都會叫學員分組做呢一類練習。」
Kenneth指做臨時演員如得到導演賞識,亦有出頭天,「林雪最初都唔係做演員㗎,有一次臨時俾導演拉去做臨記,做做吓𠵱家仲成為著名演員添。」表現好的學員會有工作轉介,「現時臨時演員薪金約$350一組戲,每組戲 8小時;晉升為特約演員後,每組戲薪金約$850至$1,500。再升嘅話就做專業演員。」


導師 Kenneth我仲會教學員一啲行規,好似做嘢期間唔可以同明星影相、邊面出鏡及走鏡等。 

學員 Jody初頭都係抱住玩玩吓嘅心態嚟讀,上咗幾堂發現對做戲愈嚟愈有興趣,將來我最想做《愛.回家》呢類戲。 

 

課程:臨時演員實務訓練課程
機構:主力場
對象:有興趣人士
學費:$530
堂數:共 10堂,每堂 1小時 30分。
內容:臨時演員的職責、影視製作團隊的分工及拍攝現場的禁忌、演員的基本素質和內涵、基礎表情演技訓練、基礎聲音演技訓練和基礎形體演技訓練等。
查詢: 3462 3535

PROFILE

打工達人,白羊座,性格外向,天生八卦愛吹水,相識滿天下,目標做盡 72行,成日捐窿捐罅搵有乜好工跳槽,刮盡各行筍料秘聞。


撰文:打工達人 
攝影:傅新發

    全站熱搜

    tvb4life 發表在 痞客邦 留言(0) 人氣()