Fiona認煩獨愛交心男

薛凱琪(Fiona)昨日與劉心悠一起出席adidas活動,Fiona談到早前被影到上男友人家,傳新戀情即否認說:「嗰日我做完活動就飛奔去搵我個朋友同我助手。(係咪拍拖?)唔係,係我音樂上嘅合作夥伴Fergus Chow,佢屋企有個Home studio,我啲廣東同國語專輯都會同佢合作寫好多歌,我哋係好朋友。我都想宣傳下,佢係好好嘅監製,識作曲、彈鋼琴同低音結他。

Ads by Google

(點解你哋撻唔着?)如果我要識一個男朋友好煩,要傾好多年偈,要好深入了解對方先得,我同佢好少傾私事。(再傾幾年你唔細?)係呀,人哋可以用嗰啲時間追10個仔,但如果咁都等唔到即係唔係咁鍾意我啫。(生BB?)依家科技40幾歲都生到,BB係上天畀嘅禮物。我暫時未有對象,佢絕對係我嘅兄弟。」



薛凱琪(左)與劉心悠出席活動,談到傳新戀情即指識男朋友好煩,要傾好多年偈。

劉心悠跳舞有難度

提到她的緋聞舊愛房祖名被傳有新女友,Fiona說:「我知,佢做封面,我做內頁,我有Whatsapp佢睇恐防佢唔知,我同佢大家都喺度笑,佢話7個男仔淨係登佢一個。(嗰個女仔係咪佢女朋友?)咁我就唔知,我通常唔會八卦朋友私事。」


劉心悠笑言手腳不協調,表演跳舞有難度。

而昨日活動現場有人表演跳舞,心悠就坦言這隻舞對她來說有難度,因為她肢體協調方面比較差,即手腳不協調,會左手左腳,她希望有機會可以再試拍歌舞劇或武打電影。她透露現在有學跳舞,只是未學到一隻可以表演的舞蹈。而近期主要忙宣傳電影的她稍後會拍新戲,問到母親節可會飛到台灣慶祝,她說:「媽咪已經搬咗嚟香港一齊住,我哋預祝咗母親節。」

文:名人組

薛凱琪激讚光頭新歡


■薛凱琪昨日表示未有八卦房祖名的新戀情。


■薛凱琪稱光頭新歡是音樂上合作的夥伴。
互聯網圖片

薛凱琪和劉心悠昨日在尖沙嘴出席adidas春夏新系列活動,日前有報道指Fiona戀上光頭新歡,對於大家的祝福,Fiona說:「嗰日係同我助手一齊去咗佢嘅home studio作曲,新歌嚟緊8月就會聽到,佢係我音樂上合作到嘅朋友。其實當日我助手都有影我哋嘅合照擺上Instagram。睇到報道後我哋電話溝通過,要幫呢位監製宣傳吓,佢識彈琴又識bass結他仲識作曲。」Fiona表示未有八卦房祖名的新戀情。
採訪:藍文浩
攝影:葉君海

    全站熱搜

    tvb4life 發表在 痞客邦 留言(0) 人氣()