記者試敷蛇毒面膜,覺得有少少麻痺,也不覺皮膚特別緊咗。 

壹知全解

蛇毒美人

Ads by Google

近期韓國護膚品大行其道,花款多,看得人眼花繚亂,由食品到動物提取液都可以成為護膚品。
近排更興起用蛇毒做護膚品,聽來有點得人驚,究竟有咩用呢?

 


雖然標榜用蛇毒做護膚品,也只不過是仿蛇毒的三胜肽類產品,絕非真正毒液。 

記者到女士最愛逛的銅鑼灣金百利商場中,一間專賣韓國護膚產品的公司,兩年多前已經引入蛇毒產品,主要是面霜及面膜,顧問 Alice告訴記者,蛇毒產品初時攻入本港市場時,不少人都大叫怕怕,「初頭啲客都好抗拒,要同佢解釋蛇毒膜只係個名,唔係真正蛇毒。」產品包裝亦是一大問題,「產品初頭嘅包裝真係影晒成條蛇,後尾反映番俾韓國公司聽,影條蛇個樣,客人未必接受,之後就改番包裝做好似蛇嘅鱗片咁。」
其實所謂蛇毒,是一種三胜肽類產品,其化學結構與蛇毒相似,非真正毒液,主要是模擬毒蛇的毒液侵入人體後,產生神經及肌肉收縮的特性,聲稱有助於撫平皺紋,恢復皮膚彈性。
皮膚專科陳厚毅醫生解釋:「呢個屬於新嘢,唔只亞洲,喺歐美都好 hit,當地有好多呢方面嘅產品,但喺醫學文獻上,暫時就未有充足證據講到成效有幾大。」

 

不過,蛇毒產品聲稱所含有的三胜肽,則有研究證實具抗氧化同消炎作用,亦有助緊緻皮膚,但陳強調:「重點係有幾多可以俾皮膚吸收到,取決於產品濃度,同產品技術可唔可以將成分帶入皮膚。」同時他亦提醒非人人合用:「皮膚敏感嘅人要小心,化學合成物質都有機會致敏。同埋懷孕時都要小心,因為無證據證明懷孕時用呢啲產品係安全,同埋懷孕時皮膚會敏感啲,亦唔知胎兒會唔會吸收到。」
商人轉數快, Alice笑言蛇毒產品現時已經接近「水尾」,韓國這個美容王國已經不斷推陳出新:「蛇毒喺韓國已經唔太興,而家新興海參,因為我哋要貼住韓國嚟走。」貪靚人士又要大破慳囊了。

蝸牛上面


近日在韓國大為流行的蝸牛 spa。 

除了蛇毒,韓國還出了蝸牛面膜,據說可以修護肌膚。陳厚毅醫生指出不可盡信,「蝸牛黏液係有研究話令皮膚緊緻,但要某一隻法國蝸牛先得。因為法國人鍾意食蝸牛,處理過蝸牛嘅手好靚,就發現到蝸牛黏液真係有用。」
近日韓國更流行的「蝸牛 spa」,陳指千祈咪亂試:「韓國而家好興擺三隻蝸牛落塊面度,但好難控制唾液分量,又唔知係咪法國嗰隻蝸牛,同埋隻蝸牛係唔係淨係用一次,好多唔同人用過,唔太衞生。」


撰文:林丹霞
攝影:鄒潔珊

全站熱搜

tvb4life 發表在 痞客邦 留言(0) 人氣()