Lock(右一)會帶不同的拍攝器材讓學員親身試用,例如圖中的肩托穩定架,讓學員了解用法。 

職場起底組

學拍短片增值

Ads by Google

網上短片分享平台愈加方便和廣泛,往往精彩的短片更能引起大眾的關注,近年不少品牌都利用微電影作廣告宣傳,例如鐵達時、萬寧貓等。此外,亦有不少中小企要求員工識拍片剪片,用短片做宣傳途徑,令市場對拍片人才的需求大增。有見及此, Feva Works舉辦了數碼錄像製作證書課程,讓有興趣的人士學習錄像製作技巧,為自己的工作增值。

 


課程會教授學員運用 CS、 After Effects、 Premiere等常用的後期製作軟件。 

課程導師由現職 Bighead Creative Company創作總監,及擁有多媒體製作 10年經驗的 Lock親自任教,「課程理論實踐並重,首先教拍攝理論、劇本構思、畫故事板等;劇本唔同寫小說,要清晰向其他人表達自己想點。我仲會教埋佢哋常用嘅拍攝用語,好似 full shot、 head shot、淡出淡入等。然後會教器材運用、剪接、後期製作等軟件運用,務求學員可以邊做邊學,自己由頭到尾識得整段短片出嚟。學員最終要拍一段 3至 10分鐘嘅微電影,先畢到業。」
Lock表示現時市場對懂得拍攝短片的人才需求大增,不少學員因工作需求而來上堂,「近呢兩年,多咗唔少人嚟學,當中有部分係為興趣,但唔少人係工作需要,好似攝影師、做 marketing嘅人士,本身佢哋唔使拍片,但上司要求喺網頁上加短片做宣傳,佢哋就要去學,都幾常見。」

 

課程:數碼錄像製作證書課程
機構: Feva Works
對象:有興趣人士
學費:$9,000(可申請政府持續進修基金,減免後學費$1,800)
堂數: 15堂,共 45小時。
內容︰電影語言、拍攝角度、收音記錄技術、聲音混合技術、蒙太奇、敘事結構理論、添加過渡和特殊效果、剪片、 After Effects的運用等。
查詢: 3106 8211


導師 Lock近來唔少新人都想拍一段 pre-wedding嘅片,呢類片就好似微電影嘅拍法、要有故事性及電影感,大約製作一段 3至 5分鐘嘅片段,新手嚟講都收約$10,000至$15,000,係一個唔錯嘅 freelance。 

學員 Nelson本身對拍片有興趣,於是報名嚟學,個 course幾全面,由寫劇本到揸機拍片,然後剪片加後期效果都有教到,自己真係學到點拍片,讀完都接到幾個 wedding拍片嘅 freelance。 

PROFILE

打工達人,白羊座,性格外向,天生八卦愛吹水,相識滿天下,目標做盡 72行,成日捐窿捐罅搵有乜好工跳槽,刮盡各行筍料秘聞。


撰文:打工達人
攝影:彭自維
部分圖片由被訪者提供

    全站熱搜

    tvb4life 發表在 痞客邦 留言(0) 人氣()