So Comment

甜蜜蜜中途站 Hyatt Regency Shatin Patisserie地址:沙田澤祥街 18號沙田凱悅酒店大堂 電話: 3723 7988 (甲) (蘇施黃)

Ads by Google

中途站
時常都會去新界遊吓車河,搵吓食。好多時 lunch完,又遊了一陣車河就想搵個廁所去吓,多年來最佳中途站乃係沙田 Hyatt Regency,絕不多人,就在大學火車站側方便極。
多年前,除了上廁所,還發現了他們的 Apple Pie很好食,而家愈來愈多嘢食,可以介紹吓呢個中途站。

小餅店

小餅店只有三幾張小高枱,絕對不是一間咖啡室。不過每次都見有人坐在裏面嘆杯茶,食件餅。
在餅櫃後面的牆有張「烘焙時間」表,留意! 8am, 11am和 5pm,都有熱辣辣的英式蘋果批出爐,$260一個或$38一件。
現時喺香港多是薄薄脆脆的蘋果撻,已經唔太多地方有得食呢一種蘋果批。我喜歡厚厚的批皮,蘋果係一疊疊的,食起上嚟絕不會太甜,又有蘋果味,過癮!細時最鍾意放一 scoop雪糕在 apple pie的上面,叫"Apple Pie a la Mode"。好懷舊哦。
冇去一段時間,𠵱?!入門口的櫥窗放了 Pure Honey Cake$130一個,非常日本 feel,朋友曾送過一個給我,我還以為係日本餅㖭,原來這個 pure honey cake係用沙田永和蜜蜂場的 honey做的,更有意思。身在沙田,去沙田酒店嘅廁所,順路食沙田蜜糖做的沙田 honey cake,正! Texture真的似日本餅,還好,唔甜!$130可以算抵食。



 

我還買了「永和蜜蜂場」的蜂巢素$300/瓶,貴呀!不過今朝試了,好飲!佢話效用係可以抗菌消炎,改善消化系統及呼吸系統。每日食兩次,每次 1茶匙,用溫水開。那侍應話有很多鼻敏感的客人來買。我成日都喉嚨痕,立即買嚟試試佢。
我係 donut精,佢哋啲 donut好似水泡咁大,好好笑嘅樣,$34/一個。一世都未食過咁貴嘅糖沙翁,麻麻哋,實了一點。
但其他餅櫃嘅餅,我又幾有興趣,如 Strawberry Shortcake$260/lb,另一個女侍應 Sandy介紹一個朱古力脆餅$36/個,下次有機會,大家可以去試試呢個中途站。侍應們又友善!





 

Hyatt Regency Shatin Patisserie
地址:沙田澤祥街 18號沙田凱悅酒店大堂
電話: 3723 7988

 

蘇施黃
資深電台人,天生異「口」,除了講嘢叻,食嘢同樣嘴刁,近年開咪、上電視做主持都不離教人食得精,吸引大批粉絲跟佢搵食。


攝影:蘇施黃 

全站熱搜

tvb4life 發表在 痞客邦 留言(0) 人氣()