ME! picks

初夏清香

Guerlain Parfum du 68$2,000
以慶祝巴黎香榭麗舍大道總壇新裝落成推出的濃香版,以店號 68為名,木香基調上散發玫瑰、蠟菊幽香。

Ads by Google

送香水俾媽咪,我一向揀花香為主,因為花味比果味成熟,啱佢年紀,最怕氣味太甜、太 young太刺鼻,所以揀 Guerlain香水最穩陣。呢支香水雖然屬 Parfum,但唔似品牌其中貴價香水般濃烈,淡淡玫瑰花香感覺大方得體,送俾媽咪,日常行街或去飲都得。

香味唔浮誇刺鼻,唔會令人彈開,啱晒平實的媽咪。
除非太重手狂噴,只要輕手噴兩下便可,所以暫時搵唔到缺點。


愛的氣味
 

Fresh Life Candle$520、 Body Oil$460
香薰蠟燭含佛手柑、葡萄柚及薰衣草花等香味,燃點後,全屋瀰漫着清新甜香,配合同系列的潤膚油按摩全身,感覺 relax。

媽咪跟我一樣都是按摩精,閒時愛去做 body massage,而且仲會自備 body oil,呢支是我近期的至愛,質地輕身唔𣲷,容易被皮膚吸收,搽後全身皮膚超滑、超柔軟,加上同系列香薰蠟燭,淡淡的清新花香味,即時令人進入放鬆狀態,今個母親節我揀定呢 set送俾媽咪,讓她無時無刻都可以享受 home spa。

淡淡的香味,感覺好 relax,能即時紓緩緊張的情緒。
Body oil質地輕身,皮膚過乾人士會覺得唔夠潤。



Emily MakSenior Beauty Reporter 


母親的氣質
 

Bulgari Omnì a Indian Garnet EDT$745
設計靈感沿自淡橘榴寶石,混合印度的晚玉香花、香木等獨特氣味,營造印度神秘性感的香氣。

Bulgari的珠寶我未買得起送俾阿媽,不過高貴優雅的氣味,我就送得起,如珠寶般的經典香水瓶外形,還有最合她心意的木香,混合桂花及柑橘味,等她同老爸拍拖或去飲宴都大派用場,散發高貴的幽香。

以 EDT來說,香味算很持久,但味道卻不刺鼻,有愈聞愈想聞的吸引力。
香味較濃,唔需要噴太多,輕輕噴幾下就夠。



Jasmine LuiBeauty Editor 


易用 BB粉
 

LANEIGE B.B. Cushion SPF50+ PA+++$320(包括 1粉盒及 2粉餅)
去年推出 mousse狀 B.B. cream,即成懶人恩物,升級版加入更強的美白及補濕成份,令皮膚更細緻及富有光澤。

我從來唔用 B.B. cream之類的底霜用品,經驗話我知逃不開灰白青,但煲韓劇後遺症,見鏡頭下韓國女星的皮膚都飽滿富光澤,又挑起我再試的慾望。這盒 mousse狀的 B.B. cream冇叫我失望,夠薄身、超易用,新手懶人必買,用附送特製的膠面粉樸一下一下印上, 30秒搞掂,就算在瑕疵位重複印上,都唔會有厚粉情況出現,重點是有足夠防曬度,是我假日湊仔快速變臉的好幫手。各位媽咪,趁母親節買一盒獎勵吓自己。」

方便易用而且售價平。
太透薄,遮瑕度一般,黑眼圈及色斑位置需補上遮瑕霜。



Alice FungDeputy Beauty Director 


美甲套裝
 

Dior Manucure Transat#750、#210各$250
長青的甲油色、配以指甲挫和橫間指甲貼,為十指增添不少生氣。

送禮俾阿媽不能太花巧、但又不可太平凡,最最緊要不能太貴,呢套美甲套裝,我覺得是最佳選擇,二百多元,顏色 sharp得嚟不會太搶,品牌今次好窩心,美甲組盒附有小甲挫和透明美甲貼,搽上甲油後貼上指甲貼,橫間紋加 CD字樣,簡約又易襯,讓花俏媽咪為十指再點睛,佢收到一定會好開心。

抵玩又可以一齊玩。
媽媽未必用得慣美甲貼。



Chris ChuiSenior Beauty Reporter 


美唇
 

Dolce& Gabbana Classic Cream Lipstick#310、#230各$280
新配方唇膏加入一半滋潤霜,質地好柔軟,但顏色濃度和顯色度不減,仲要有埋西西里玫瑰的香味。

公私兩忙的 working mom,鮮有時間 full makeup上陣,但唇膏絕對係佢哋最愛,輕輕搽一層,就有提神功效。 Dolce化妝品,單睇金色外殼包裝已經夠矜貴,加埋新配方的滋潤度,不用潤唇膏打底,直接搽上亦充滿光澤,同媽咪一樣,內外兼備,作為母親節禮物當然最適合不過!

開關唇膏時發出「咔」聲,夠經典又夠實用。
新潮的媽咪可能會鍾意唇蜜唇彩多於唇膏。



Younie TsangBeauty Reporter 


內在美
 

Osiao Inner Radiance Beauty Tables$620/ 120粒
購買補充丸前,要先透過問卷了解個人體質及皮膚狀態。配方結合東西方天然草本成份,如魚腥草、薏米、葡萄籽萃取等,有助平衡細胞活能量,從內改善皮膚質素。

一向不是 supplements信徒,但年紀愈大發現皮膚愈來愈容易敏感,不能單靠搽護膚品就可解決,最近試了這款草本成份的 Beauty Tables,美容師如中醫上身,先做一份望聞問切的問卷,我被『診斷』為第 5型,即細胞能量過度旺盛,皮膚容易敏感、膚色不均及易泛油,全中!我試足三星期,早晚各食一粒,咬碎服,味道有點似話梅,最明顯係好瞓咗,皮膚冇咁易乾到泛油,感覺良好。我決定帶埋媽咪一齊去,送她這份既可保健又可美容的禮物。

因應個人體質及皮膚問題,度身設計的 supplements十分貼身,方便服用又唔難食。
要有恆心定時服食,才會有效果。



美容師「診症」時如中醫上身,全面了解我的護膚及生活習慣,專業又貼心。 

Jasmine LuiBeauty Editor


皮膚真相
 

驟眼睇似電話,實情係 Biotherm推出的智能皮膚分析儀,巴閉在於備有 3D立體顯示,兼有 30X視覺及觸覺感應器,可以 check到皮膚水潤度、彈性、色素、紋理、油脂、毛孔、暗瘡粉刺外,就連皮膚泛紅情況亦可一目了然,其配備 20,000個不同年齡亞洲女士膚質數據,逐項評分,再建議適合產品,整個過程唔使 10分鐘,母親節,我準備帶媽咪一齊去,送份至啱佢膚質的護膚品俾佢。


整個皮膚分析過程快速又夠詳盡,仲要係免費,只要預先打電話到門市預約即可。 

測試後建議我使用眼霜及精華素,自知黑眼圈嚴重,加上皮膚偏乾,測試結果都幾準確。Biotherm Blue Therapy Serum$580、 Blue Therapy Eye$420 

熒幕顯示屏中央的藍色五角形愈細,代表皮膚狀態愈好,好彩結果顯示我的皮膚不算太差。


Shop List
 

Biotherm銅鑼灣時代廣場 B207號鋪 2506 3396 
Bulgari銅鑼灣時代廣場連卡佛 3101 9712 
Dior中環國際金融中心 1076號鋪 2870 0543
Dolce& Gabbana金鐘太古廣場 Harvey Nichols 2907 6627 
Fresh旺角朗豪坊 L2 03號鋪 3514 4545 
Guerlain九龍塘又一城 G42號鋪 2265 7064
LANEIGE中環置地廣場 Harvey Nichols 3695 3132 
Osiao銅鑼灣時代廣場連卡佛 3798 0061


撰文:美容組
攝影:毛宇軒

全站熱搜

tvb4life 發表在 痞客邦 留言(0) 人氣()