博出位

健康教育

為人父母,除咗要悉心照顧小朋友,亦有義務教育下一代。這班娛圈新手爹哋媽咪,實行邊學邊教。與其要人包容,不如做個有責任心嘅公民。

Ads by Google

少爺占必要的尿片

冇錯,小朋友忍耐力弱,但父母就應該教佢哋從小學識尊嚴。預防小朋友隨街便溺,各位父母謹記帶定紙尿片上街。初為人父嘅少爺占,就為佢 6.6磅囝囝甄和天包尿片。榮升爹哋嘅少爺占,冇晒以前嘅稚氣,呢啲咪係真男人囉!

大 S十億寵愛

香港有千億新抱徐子淇,台灣嘅大 S亦都唔輸蝕。老公汪小菲係「俏江南」 CEO,身家閒閒哋幾十億。大 S上周四( 4月 24日)剖腹誕下千金,取名為「長腿妹」。呢個「長腿妹」好犀利,佢同爹哋媽咪嘅合照一出,立即被網民瘋傳,話咁快就俾 12億內地同胞過目。咁矚目,又點會隨便失禮。

呂慧儀按摩當胎教

懷孕 4個月嘅呂慧儀,頻頻出騷搵奶粉錢,早前佢趁得閒,就去做孕婦按摩。按摩可以紓緩心情,亦有利胎兒大腦發育。而佢老公黃文迪(左)都唔執輸,特登借咗老友個 BB做 model,學下點樣掃風,父愛爆燈。


張新悅

誓要追仔到底嘅張新悅,家陣已經懷孕 4個月。早前佢就帶埋兩個女,齊齊去藝廊學畫畫。繪畫講求心平氣靜,自然可以訓練忍耐力啦!

梁靜茹身教行先

馬來西亞歌手梁靜茹向來關心政治,去年馬來西亞大選國陣連任,一心寄望國家可以展開新局面嘅梁靜茹,立即喺微博發聲哀悼,惹來大批網民按讚。相信由佢一手教出嚟嘅囝囝 Anderson,應該自小已識得分辨是非黑白。

全站熱搜

tvb4life 發表在 痞客邦 留言(0) 人氣()