本刊 2月影到劉家輝喺老友樊奕敏陪同返伊利沙伯醫院覆診,睇落去都幾精神,但係眼神有啲沉鬱。 

媽咪姐

劉家輝追得番條數

Ads by Google

劉家輝 3年前因為中風搞到右半身癱瘓,佢嘅前助手兼委託人 Eva馮映華竟然私吞劉師傅近 200萬嘅血汗錢!好彩有好朋友樊奕敏出心出力,搵埋律師幫劉師傅告上法庭追數。事件擾攘咗 16個月,周二( 29日)高院續審呢單案,雙方最終傾掂數庭外和解, Eva願意退還約 180萬元。

 

代表劉師傅嘅樊奕敏話鬆一口氣:「其實劉師傅依家住緊護老院又要請私人護士,個個月坐底都要 6萬蚊,今次拎番啲錢,可以幫劉師傅生活過得好啲!」但有知情人士話俾媽咪姐知, Eva早喺 2012年 12月冇做劉家輝嘅資產委託人之後,用咗劉師傅成六位數字嘅積蓄,話就話用喺劉師傅屋企人身上,但使咗去邊真係冇人知!點估到 2013年 3月佢仲轉走咗劉師傅暫託喺佢名下戶口嘅 180萬元去自己嘅私人戶口。睇嚟劉師傅睇人真係唔掂,但係勝在有個真正好朋友!


星期二( 29日)樊奕敏同義助佢嘅律師團隊出席聆訊,同意 Eva嘅庭外和解,仲話:「劉師傅知道攞得番啲血汗錢都好開心,一陣買麥當勞同佢慶祝!」 

馮映華原本打算同劉師傅個仔冼峻龍一齊走,但見到成班記者等緊佢,即刻帶記者遊花園,兜咗成廿分鐘,先肯分開行出高院俾記者影相,仲話:「有水落石出嘅一日,我唔係啲咁嘅人。」 

庭外密斟馮映華同劉師傅個仔最後喺附近嘅餐廳會合食 lunch密密斟,唔知係咪傾緊之後點樣反擊呢? 

    全站熱搜

    tvb4life 發表在 痞客邦 留言(0) 人氣()