着住波點恤衫嘅 G.E.M.現身香港機場,素顏加冇戴黑超簡直青春無敵,難得甩咗個負心漢,第時實大把世界啦! 

媽咪姐

林宥嘉開騷唱衰  G.E.M.冇眼睇

Ads by Google

自從林宥嘉( Yoga)飛甩小巨肺鄧紫棋 G.E.M.之後,女方喺 fb大數負心漢花心同虛偽等五宗罪。可能因為形象急跌,媽咪姐收到風 Yoga今次喺香港開演唱會票房唔多掂,臨開騷兩日前要 6折散飛!隨後唔認有小三嘅 Yoga就即刻趁住喺紅館開 show,以四點聲明還擊,話俾 G.E.M.抹黑,又當眾默認新戀情。

 

不過咁,呢期忙到爆嘅 G.E.M.一於少埋,只係話:「冇留意佢演唱會,好耐冇睇新聞,自己太多嘢。」再問到舊愛默認新戀情時, G.E.M.就話唔講,現時只專心 5月嘅巡迴演唱。靠自己永遠最實際。


林宥嘉開騷變開火,發四點聲明,主要話分手時有人「斷章取義、抹黑,我都選擇沉默不做回應,是不想要再傷害彼此,但不代表默認。」不過就好維護緋聞女友丁文琪。 

喺演唱會上, Yoga大唱〈心酸〉、〈說謊〉等自憐的失戀情歌,都幾精神分裂。 

G.E.M.唔回應林宥嘉言論,但就喺微博話自己最近「被喚醒,太棒!」有啲意思噃。

    全站熱搜

    tvb4life 發表在 痞客邦 留言(0) 人氣()